బిజెపిపై యూటర్న్ తీసుకుంటున్న తెలుగుదేశం?

ఎన్డీఏలో అధికారం గా చేరటానికి నిరాకరించిన జగన్ బయట నుంచి మాత్రమే మద్దతు ఇస్తానని తేల్చేసిన దరిమిలా పాత మిత్రుడు చంద్రబాబుతో ( Chandrababu )స్నేహం కోసం బిజెపి ప్రయత్నాలు మొదలుపెట్టింది .ఆ దిశగా కేంద్ర మంత్రి నారాయణస్వామి ( Union Minister Narayanaswamy )బిజెపికి రాష్ట్రంలో తెలుగుదేశం అండగా ఉండాలంటూ కోరారు.దీనిపై విలేకరులు అడిగిన ప్రశ్నలకి స్పందించిన చంద్రబాబు కొంత నిర్లిప్త దొరణిలో జవాబు ఇచ్చారట .పొత్తు విషయంలో అడగాల్సిన వాళ్లు అడిగినప్పుడు స్పందిస్తానని ఇప్పుడు అంత అవసరం లేదని దగాపడ్డ రాష్ట్ర ప్రయోజనాలే తనకు ముఖ్యమని ఆయన తేల్చేశారు .తమను కేవలం రాజకీయ చదరంగంలో ఒక పావుగా మాత్రమే చూస్తున్న భాజపాకు అంత ప్రాముఖ్యత ఇవ్వాల్సిన అవసరం లేదని, ముందుగా ఆంధ్రప్రదేశ్ లో బలంగా పుంజుకొని అధికారంలోకి రావటంపై దృష్టి పెడితే కేంద్రంలో ప్రయోజనాల సంగతి తర్వాత చూసుకోవచ్చని ఆలోచనలో చంద్రబాబు ఉన్నట్లుగా తెలుస్తుంది