వివాదాస్పద దర్శకుడు రామ్ గోపాల్ వర్మ లాక్‌డౌన్ సమయంలో వరుసగా సినిమాలు చేస్తూ దూసుకుపోతున్నాడు.తన పేరుతో ఓ ఏటీటీని ప్రారంభించి అందులో ఈ సినిమాలను రిలీజ్ చేస్తూ వరుసగా దూసుకుపోతున్న వర్మ, ఇప్పటికే క్లైమాక్స్, నగ్నం చిత్రాలను రిలీజ్ చేయగా, తాజాగా పవర్ స్టార్ అనే సినిమాను రిలీజ్ చేసేందుకు రెడీ అయ్యాడు.
పవర్ స్టార్ పవన్ కళ్యాణ్‌పై ఈ సినిమా ఉండటంతో ఈ సినిమాను నిలిపివేయాలని పవన్ ఫ్యాన్స్ నానా హంగామా చేశారు.
అయితే వర్మ మాత్రం ఎవరికీ వినకుండా తన సినిమాను రిలీజ్ చేశాడు.
ఇక ఈ సినిమాకు అదిరిపోయే రెస్పాన్స్ వచ్చిందని సంతోషం వ్యక్తం చేస్తున్నాడు వర్మ.దీంతో తన నెక్ట్స్ చిత్రాలపై అప్పుడే ఫోకస్ పెట్టాడు ఈ డైరెక్టర్.
ఇప్పటికే నగ్నం చిత్రానికి సీక్వెల్‌ను తెరకెక్కిస్తానంటూ చెప్పిన వర్మ, ఇప్పుడు ఆ సినిమాలో హీరోయిన్‌ను ఎంపిక చేశాడట.అర్జున్ రెడ్డి, రూలర్ వంటి చిత్రాల్లో కనిపించిన నటి శ్రీ సుధా, ఇటీవల తనను ఓ కొరియోగ్రాఫర్ మోసం చేశాడంటూ పోలీసులను ఆశ్రయించడంతో వార్తల్లో నిలిచింది.
ఇప్పుడు నగ్నం సినిమాకు సీక్వెల్‌లో ఈమెను తీసుకున్నాడు వర్మ.మరి వర్మ కోసం ఈ సినిమాలో శ్రీ సుధా ఎలా కనిపిస్తుందో తెలియాలంటే మాత్రం సినిమా రిలీజ్ అయ్యే వరకు ఆగాల్సిందే.
ఇక ఈ సినిమాను అనుకున్న దానికంటే ముందే రిలీజ్ చేయగల వర్మ, ఎప్పుడు రిలీజ్ చేస్తాడో చూడాలి.కాగా మరికొన్ని సినిమాలను సైతం వర్మ క్యూలో పెట్టిన సంగతి తెలిసిందే.
నగ్నం చిత్రం సృష్టించిన సెన్సేషన్ సీక్వెల్ చిత్రం కూడా కొనసాగిస్తుందేమో చూడాలి.
