ఏపీ ఎన్నికలపై నేషనల్ మీడియా సర్వే.. వైసీపీదే విజయం

టైమ్స్ నౌ( Times Now ) నిర్వహించిన సర్వేలో భాగంగా ఏపీలో వైసీపీ మరియు కూటమి మధ్య పోరు హోరాహోరీగా సాగనున్నట్లు తెలుస్తోంది.ముఖ్యంగా ప్రస్తుత అధికార పార్టీ వైసీపీ, ప్రతిపక్ష టీడీపీకి మధ్య పోటీ రసవత్తరంగా కొనసాగనుందని సర్వేలో తేలింది.రాష్ట్రంలో ఉన్న 25 లోక్ సభ స్థానాల్లో అత్యధికంగా 19 నుంచి 20 ఎంపీ స్థానాలను వైసీపీ( YCP ) గెలిచే అవకాశం ఉందని సర్వే ఫలితాలు చెబుతున్నాయి.

తరువాత విపక్ష టీడీపీ మూడు నుంచి నాలుగు లోక్ సభ స్థానాలను గెలిచే అవకాశం ఉందని పేర్కొంది.ఇక బీజేపీ ఒక స్థానంలో విజయం సాధించే ఛాన్స్ ఉండగా.

జనసేనకు ఆ అవకాశం లేదని సర్వే ఫలితాల్లో స్పష్టం అయింది.అదేవిధంగా ఈ గణాంకాల ప్రకారం అసెంబ్లీ స్థానాల్లో కూడా వైసీపీనే అత్యధిక సీట్లను సాధించి అధికారంలోకి వచ్చే అవకాశం ఉందని తెలుస్తోంది.

ఇప్పటికే పలు సర్వే ఫలితాలు ఈసారి కూడా వైసీపీ ప్రభుత్వమే అధికారంలోకి వస్తుందని చెప్పిన సంగతి తెలిసిందే.