స్టార్ హీరోలకు సమానంగా బుల్లితెరపై కార్తీకదీపం సీరియల్ ద్వారా నిరుపమ్ పరిటాల పాపులారిటీని సంపాదించుకున్న సంగతి తెలిసిందే.నిరుపమ్, మంజుల కొన్నిరోజుల క్రితం ఒక యూట్యూబ్ ఛానల్ ను ప్రారంభించగా ఆ ఛానల్ ను ఇప్పటికే లక్ష మంది సబ్ స్క్రైబ్ చేసుకున్నారు.
మంజుల నిరుపమ్ కలిసి చేస్తున్న వీడియోలకు లక్షల్లో వ్యూస్ వస్తున్నాయి.నేను, నిరుపమ్ కలిసి ముంబైకు షూటింగ్ కు వెళుతున్నామని వీడియోలో మంజుల చెప్పుకొచ్చారు.
చిన్నప్పటి నుంచి నేర్చుకున్న హిందీ అంతా ఇప్పుడు బయటకు వస్తుందని డాక్టర్ బాబు వెల్లడించారు.టైమ్ కు పనులు జరిగితే క్రెడిట్ తన భార్య తీసుకుంటుందని అలా లేకపోతే మాత్రం తనకు క్రెడిట్ దక్కుతుందని నిరుపమ్ అన్నారు.
బాంబే వర్కింగ్ స్టైల్, మేకింగ్ స్టైల్, ఫుడ్ డిఫరెంట్ గా ఉంటాయని నిరుపమ్ పేర్కొన్నారు.ఇద్దరూ కలిసి యాడ్ చేస్తున్నామని మంజుల వీడియోలో చెప్పుకొచ్చారు.
మంజుల చెప్పుల షాపింగ్ చేస్తుండగా నిరుపమ్ ఆడవాళ్లు చావుబ్రతుకుల మధ్య ఉన్నా కూడా షాపింగ్ మాత్రం వదలరని తెలిపారు.నా బాధలు ఎవరికి చెప్పుకోవాలని నిరుపమ్ ప్రశ్నించారు.ఆ తర్వాత నిరుపమ్ సరదాగా చెప్పుతో కొట్టుకున్నారు.ఈ జర్నీ చాలా మెమొరీస్ ఇచ్చిందని ముంబై స్పెషాలిటీ ఏంటంటే పెద్ద పెద్ద బిల్డింగ్స్ పక్కనే స్లమ్ ఏరియాస్ కూడా ఉంటాయని నిరుపమ్ వెల్లడించారు.
ఆ తర్వాత నిరుపమ్, మంజుల బాంద్రాలోని పలు ప్రాంతాలను సందర్శించారు.వాతావరణం కూడా చాలా బాగుందని మంజుల చెప్పుకొచ్చారు.హైదరాబాద్ లో కూడా బీచ్ ఉంటే బాగుండేదని మంజుల అభిప్రాయపడ్డారు.బ్రేక్ ఫాస్ట్ చేయకుండా హడావిడిగా వచ్చామని బ్రేక్ ఫాస్ట్ ను బాదంపాలతో సరిపెడుతున్నామని మంజుల తెలిపారు.
డాక్టర్ బాబు షారుఖ్ ఖాన్, సల్మాన్ ఖాన్ ఇళ్లతో పాటు ఫేమస్ స్టూడియోలను కూడా వీడియోలో చూపించారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
