కాంగ్రెస్ ఒక్కటే ఆప్షన్ ! కమ్యూనిస్టులకు తప్పని కష్టాలు

కెసిఆర్ తమను ఘోరంగా అవమానించారని వామపక్ష పార్టీల నేతలు ఆగ్రహంతో ఉన్నారు.అందుకే బీఆర్ఎస్ ( BRS party )ను ఓడించడమే లక్ష్యంగా కాంగ్రెస్ తో జతకట్టాలని నిర్ణయానికి వచ్చారు.ఈ మేరకు వచ్చే ఎన్నికల్లో అనుసరించాల్సిన వ్యూహం పైన రెండు పార్టీల నేతలు విడివిడిగా సమావేశాలు నిర్వహించి చర్చించారు.

రాబోయే అసెంబ్లీ ఎన్నికల్లో పోరు హారహోరిగా ఉంటుందని, దక్షిణ తెలంగాణలో సిపిఐ , సీపీఎం పార్టీలు కీలకంగా మారుతాయి అని రెండు పార్టీల నేతలు భావిస్తున్నారు.ముఖ్యంగా ఉమ్మడి ఖమ్మం,  నల్గొండ ,రంగారెడ్డి, వరంగల్,  మహబూబ్ నగర్ జిల్లాల్లో కాంగ్రెస్ ప్రభావం చూపించే అవకాశాలు ఎక్కువగా ఉన్నాయి.

తమ రెండు పార్టీల మద్దతు కాంగ్రెస్ కు అవసరమని , కాంగ్రెస్ మద్దతు తమకు అవసరమని తమ మూడు పార్టీలు కలిస్తే తెలంగాణలో అధికారంలోకి రావడం ఖాయం అనే లెక్కలను ఇప్పుడు తెరపైకి తీసుకువస్తున్నారు ఎర్ర పార్టీల నేతలు.