అమెరికా ఆర్ధిక రాజధాని న్యూయార్క్ పవర్కట్తో అల్లాడింది.సుమారు 5 గంటల పాటు విద్యుత్ సరఫరా నిలిచిపోవడంతో జనజీవనం దాదాపుగా స్తంభించింది.
ఆదివారం అర్ధరాత్రి న్యూయార్క్ నగరానికి విద్యుత్ సరఫరా చేసే ఆరు నెట్వర్క్లలో సాంకేతిక సమస్య తలెత్తడంతో కరెంట్ సరఫరా నిలిచిపోయింది.దీని కారణంగా రవాణా వ్యవస్థకు తీవ్ర ఆటంకం ఏర్పడింది.
అనేక ప్రాంతాల్లో వందలాది రైళ్లు నిలిచిపోయాయి.అయితే వెంటనే స్పందించిన విద్యుత్ సంస్థ కాన్ ఎడిసన్ నగరానికి సమీపంలోని ఒక సబ్స్టేషన్లో సాంకేతిక సమస్య తలెత్తినట్లుగా గుర్తించింది.
దీనికి సరైన కారణం మాత్రం సదరు సంస్థ కనుగొనలేదు.ఐదు గంటల పాటు శ్రమించిన అనంతరం మ్యాన్హట్టన్లోని 70 వేల నివాస సముదాయాలు, వ్యాపార కార్యాలయాలకు కాన్ ఎడిసన్ విద్యుత్ సరఫరా పునరుద్దరించింది.అయితే హడ్సన్ నదికి పశ్చిమాన ఉన్న ఫిఫ్త్ ఎవెన్యూ ప్రాంతంలో మాత్రం పవర్ కటల్ ఉంటుందని అధికారులు తెలిపారు.కాగా.1977లో భారీ పవర్ కట్ కారణంగా న్యూయార్క్ అంధకారంలో మునిగిపోయింది.ఆ సమయంలో ప్రజలు, సంఘ విద్రోహ శక్తులు భారీ ఎత్తున లూటీలకు పాల్ప డ్డాయి.