పీటీఎంటీ ప్రొడక్ట్స్ తయారీలో అడుగుపెట్టిన హైదరాబాదీ సంస్థ ట్రూఫ్లో..

ఈ బాత్ ఫిట్టింగ్స్ను 100 % ఫుడ్ గ్రేడ్ మెటీరియల్తో తయారు చేస్తుండటం విశేషం.వీటిలో ఇంజనీర్డ్ ధర్మోప్లాస్టిక్ పాలిమర్, సిల్వర్ అయాన్ నానో టెక్నాలజీ, యాంటీ బ్యాక్టీరియల్, యాంటీ మైక్రోబయాల్ వంటి ఎన్నో టెక్నాలజీలు యాడ్ చేయడం వల్ల వినియోగదారులు అనారోగ్యాలకు గురికారు.అలానే ఆ పీటీఎంటీ ఫౌసెట్స్ ఎక్కువకాలం మన్నుతాయని కంపెనీ చెబుతోంది.

కుటుంబ సభ్యుల సంఖ్య పెరగడం, ప్రభుత్వాలు ప్రోత్సాహం ఇవ్వడం, నిర్మాణాలు ఎక్కువ కావడం వంటి కారణాలవల్ల పీటీఎంటీ మెటీరియల్స్ తయారు చేసే కంపెనీల సంఖ్య పెరగవచ్చని నిపుణులు అంటున్నారు.ఈ క్రమంలోనే హైదరాబాద్ కంపెనీ వీటిని తయారు చేసే జాబితాలో చేరిపోయింది.

ఇదిలా ఉండగా ట్రూఫ్లో హైదరాబాద్లోని ఇస్నాపూర్లో ఉన్న తమ రెండో మ్యానుఫ్యాక్చరింగ్ యూనిట్లో కమర్షియల్ ప్రొడక్షన్ను ప్రారంభించింది.ఇక్కడ ఒక సంవత్సరానికి 30వేల టన్నుల నుంచి 48 వేల టన్నుల ప్రొడక్ట్స్ తయారు చేయనుంది.ఇకపోతే ఈ కంపెనీ రీసెంట్ గా రిలయన్స్ వరల్డ్వైడ్ కార్పోరేషన్తో ఒక ఒప్పందం కుదుర్చుకున్నట్లు తెలిపింది.ఈ ఒప్పందం సహాయంతో షార్క్ బైట్ మల్టీ లేయర్ కంపోజిట్ పైప్ ప్లంబింగ్ సొల్యూషన్ను మార్కెటింగ్ చేయనుంది.

ప్రీమియం హౌసింగ్, ప్రాజెక్ట్ వస్తువులను కూడా తయారు చేయనుంది.