గత కొద్ది రోజులుగా ఇండోర్‌లో భారీ వర్షాలు కురుస్తున్నాయి.ఈ వర్షాలతో పాటు, నగరపాలక సంస్థ నిర్లక్ష్యం కారణంగా రోడ్లు దెబ్బతిన్నాయి.
ఫలితంగా చాలా మంది ప్రజలకు ఇబ్బందులు ఎదురవుతున్నాయి.కొందరు ప్రమాదంలో కూడా పడుతున్నారు.
తాజాగా ఇలాంటి ఓ యువతికి సంబంధించిన వీడియో సోషల్ మీడియాలో వైరల్ గా మారింది.
అమ్మర్ నగర్ ప్రాంతానికి చెందిన ఒక సీసీటీవీ కెమెరా ఈ వీడియోను రికార్డ్ చేసింది.ఇందులో ఒక స్కూల్ గర్ల్ రోడ్డు దాటడానికి ప్రయత్నిస్తున్నప్పుడు 4 అడుగుల లోతున్న నీటి గుంతలో పడిపోయినట్టు మనం చూడవచ్చు.ఆమె గుంతను నీటి మడుగుగా పొరపాటుగా భావించి, అడుగు పెట్టగానే మునిగిపోయింది.
అదృష్టం కొద్దీ, ఆమె స్వయంగా లేచి, గుంత అంచుకు చేరుకుంది.చివరికి, ఆమె వయస్సున్న ఒక బాలుడు ఆమెను రక్షించాడు.
ఈ ఘటన గురించి తెలుసుకున్న స్థానికులు నగరపాలక సంస్థపై తీవ్ర ఆగ్రహం వ్యక్తం చేశారు.రోడ్డు మరమ్మతులు చేయకపోవడం వల్లే ఈ ప్రమాదం జరిగిందని వారు ఆరోపించారు.
ఈ ఘటన జూన్ 29న అమ్మర్ నగర్‌లోని వార్డ్‌ నెంబర్ 1లో చోటుచేసుకుంది.అక్కడ నిర్మాణ పనుల కోసం మున్సిపల్ అధికారులు గుంత తవ్వారు.కానీ, ఆ గుంతను వారు మూసివేయలేదు.దాంతో వర్షాలకు అది నీటితో నిండిపోయింది.ఒకవేళ ఆ గుంత ఇంకొంచెం పెద్దదై ఉంటే సదరు యువతీ అందులో మునిగిపోయి చనిపోయి ఉండేది.ఈ ఘటనకు సంబంధించి చందన్ నగర్ పోలీస్ స్టేషన్‌లో ఇప్పటివరకు ఎలాంటి ఫిర్యాదు అందలేదని, తనకు ఈ విషయం తెలియదని ఆ స్టేషన్ ఇన్‌ఛార్జ్ ఇంద్రమణి పటేల్ తెలిపారు.
ఈ వీడియోను మీరు కూడా చూడండి.ఈ వర్షాకాలంలో ఇలాంటి ప్రమాదాలు మీకూ ఎదురు కావొచ్చు కాబట్టి జాగ్రత్తగా వహించండి.
