పరీక్ష హాల్లో ఊహించని ప్రమాదం.. విద్యార్థినిపై పడ్డ ఫ్యాన్.. చివరకు..?

మంగళవారం, మార్చి 12న మంకమ్మతోటలోని సహస్ర జూనియర్ కళాశాలలో (Sahasra Junior College)ఊహించని ప్రమాదం జరిగింది.ఇంటర్ పరీక్షలు రాస్తున్న విద్యార్థులు ఒక్కసారిగా ఉలిక్కిపడ్డారు.

అసలేం జరిగిందంటే, నీలి శివాన్విత అనే ఇంటర్ సెకండ్ ఇయర్
(Neeli Sivanvita, Inter Second Year)అమ్మాయి పరీక్ష రాస్తుండగా ఒక్కసారిగా సీలింగ్ ఫ్యాన్ ఊడిపోయింది.ఒక్క క్షణం పాటు అసలు ఏం జరిగిందో ఎవరికీ అర్థం కాలేదు.

ఫ్యాన్ నేరుగా శివాన్విత ముఖం, చేతిపై పడటంతో ఆమెకు గాయాలయ్యాయి.పరీక్షా కేంద్రంలో ఉన్న హెల్త్ కేర్ వర్కర్(Health care worker) వెంటనే స్పందించారు.స్థానిక ఆర్ఎంపీ డాక్టర్ కూడా వచ్చి శివాన్వితకు ప్రథమ చికిత్స చేశారు.గాయాలపాలైనా శివాన్విత ధైర్యం కోల్పోలేదు.

పరీక్ష రాయడానికి సిద్ధమైంది.అధికారులు కూడా ఆమె పట్టుదలను మెచ్చుకుని, పరీక్ష పూర్తి చేయడానికి అదనపు సమయం ఇచ్చారు.

ఇంత జరిగినా కాలేజీ యాజమాన్యం పట్టించుకోలేదని ఏబీవీపీ(ABVP) కార్యకర్తలు మండిపడ్డారు.కాలేజీ ముందు ఆందోళన చేయడానికి ప్రయత్నించగా పోలీసులు వారిని అరెస్ట్ చేశారు.ఈ ఘటనకు కళాశాల యాజమాన్యం, ఇంటర్ బోర్డు నిర్లక్ష్యమే కారణమని ఏబీవీపీతో పాటు శివాన్విత తల్లిదండ్రులు కూడా ఆగ్రహం వ్యక్తం చేస్తున్నారు.పరీక్షా కేంద్రాల్లో కనీస వసతులు కూడా లేకపోవడం, విద్యార్థుల భద్రత గాలిలో కలిసిపోవడంపై విమర్శలు వెల్లువెత్తుతున్నాయి.

పరీక్షల సమయంలో విద్యార్థుల భద్రత విషయంలో ఎంత నిర్లక్ష్యంగా వ్యవహరిస్తున్నారో ఈ ఘటన చెప్పకనే చెబుతోంది.ఇలాంటి ఘటనలు పునరావృతం కాకుండా చూడాల్సిన బాధ్యత నిర్వహకులకు ఎంతైనా ఉంది.ప్రాణాలు పోయేదాకా నిర్లక్ష్యంగా వ్యవహరించకూడదు.సంబంధిత అధికారులు స్పందించి, పరీక్షా కేంద్రాల్లో భద్రత ప్రమాణాలు పెంచాలి, నిర్లక్ష్యంగా వ్యవహరించే వారిపై కఠిన చర్యలు తీసుకోవాలి.ఈ ఘటనపై మీ అభిప్రాయం ఏంటో కామెంట్ చేయండి.