ప్రమాదాలు ఎప్పుడూ భయంకరంగానే ఉంటాయి.కానీ, తాజాగా దక్షిణ కొరియా( South Korea ) నుంచి వచ్చిన ఓ వీడియో చూస్తే గుండె ఆగిపోతుంది.
ఇంటర్నెట్‌లో వైరల్ అవుతున్న ఈ వీడియోలో,( Viral Video ) నడిరోడ్డుపై ఓ బైకర్ ఉన్నట్టుండి ఏర్పడిన భారీ గొయ్యిలో పడి కళ్ల ముందే మాయమైపోయాడు.
ఈ భయంకరమైన ప్రమాదం దక్షిణ కొరియా రాజధాని సియోల్‌లో( Seoul ) జరిగింది.
ఆ వీడియోలో బైకర్‌కు( Biker ) ముందు వెళ్తున్న కారు క్షణాల్లో ఆ గోతి నుంచి తృటిలో తప్పించుకుంది.కానీ, ఆ బైకర్ అంత అదృష్టవంతుడు కాదు.
పాపం, నేరుగా ఆ రాకాసి గొయ్యిలో పడిపోయాడు.ఈ ఘటన జరిగిన 18 గంటల తర్వాత అతను ప్రాణాలు కోల్పోవడం తీవ్ర విషాదాన్ని నింపింది.
అయితే, అంత పెద్ద గొయ్యి( Sinkhole ) రోడ్డు మధ్యలో అకస్మాత్తుగా ఎలా ఏర్పడిందనేది మాత్రం ఇంకా తెలియరాలేదు.
లోకల్ మీడియా ప్రకారం, ఈ ప్రమాదానికి సంబంధించిన డాష్‌క్యామ్ వీడియోలో, ‘పార్క్’ అనే బైకర్ వేగంగా దూసుకురావడం కనిపించింది.అతని ముందు వెళ్లిన కారు ఆ గొయ్యి దగ్గర ఒక్కసారిగా కుదుపుకు లోనై, అదృష్టవశాత్తూ దాని నుంచి బయటపడింది.ప్రమాదం జరిగిన వెంటనే సహాయక బృందాలు రంగంలోకి దిగినట్లు మీడియా నివేదించింది.
రాత్రంతా జరిగిన గాలింపు చర్యల్లో భాగంగా, తెల్లవారుజామున 1:37 గంటలకు అధికారులకు ఒక సెల్ ఫోన్ లభించింది.
గంగ్‌డాంగ్ వార్డ్‌కు చెందిన ఒక అగ్నిమాపక అధికారి, ఆ బైకర్ మరణానికి కారణాన్ని వెల్లడించారు.“సుమారు 30 ఏళ్ల వయసున్న ఆ వ్యక్తి ఉదయం 11:22 గంటలకు గుండె ఆగిపోయిన స్థితిలో (కార్డియాక్ అరెస్ట్) కనుగొనబడ్డాడు” అని మీడియా పేర్కొంది.
ప్రమాదం జరిగిన రెండు గంటల తర్వాత, సహాయక బృందాలు బైకర్‌కు చెందిన మోటార్‌సైకిల్‌ను గుర్తించాయి.
అది గొయ్యి పడిన ప్రదేశం నుంచి సుమారు 30 మీటర్ల దూరంలో లభించింది.కానీ, అప్పటికి బైకర్ ఆచూకీ లభించలేదు.
దీంతో, అధికారులు మరుసటి రోజు ఉదయం గాలింపు చర్యలను తిరిగి ప్రారంభించారు.దాదాపు 20 మీటర్ల వెడల్పు, 20 మీటర్ల లోతున్న ఆ భారీ గొయ్యిలో పడిపోయిన 18 గంటల తర్వాత, పార్క్‌ను గుండె ఆగిపోయిన స్థితిలో కనుగొన్నారు.
