మీరట్ హత్య కేసు తర్వాత సోషల్ మీడియాలో ‘బ్లూ డ్రమ్’( Blue Drum ) మీమ్స్ వైరల్ అవుతున్న విషయం తెలిసిందే.ఇప్పుడు సరిగ్గా అలాంటిదే ఉత్తరప్రదేశ్‌లోని గోండాలో జరిగిన ఓ షాకింగ్ ఘటన వెలుగులోకి వచ్చింది.
మీరట్ ఘటనను తలపిస్తూ, ఓ భార్య తన భర్తను ముక్కలు ముక్కలుగా నరికి, డ్రమ్ములో ప్యాక్ చేస్తానని బెదిరించినట్లు ఆరోపణలు రావడం సంచలనం రేపుతోంది.
ఈ దారుణ బెదిరింపులకు పాల్పడింది మాయా మౌర్య ( Maya Maurya )అని, బాధితుడు ఆమె భర్త ధర్మేంద్ర కుష్వాహా( Dharmendra Kushwaha ) అని తెలుస్తోంది.
ధర్మేంద్ర గోండాలోని జల్ నిగమ్‌లో జూనియర్ ఇంజనీర్ (JE) గా పనిచేస్తున్నాడు.ఈ భార్య బెదిరింపులకు సంబంధించిన వీడియో ఒకటి సోషల్ మీడియాలో వైరల్‌గా మారింది.కుష్వాహా తెలిపిన వివరాల ప్రకారం, అతనికి 2016లో మాయతో వివాహం జరిగింది.వారికి ఓ కుమార్తె పుట్టిన తర్వాత, భార్య పేరు మీదే మూడు కార్లు, కొంత భూమిని కూడా కొన్నాడు.2022లో తమ ఇంటి నిర్మాణ పనుల కోసం మాయ బంధువైన నీరజ్ మౌర్యను పనిలో పెట్టుకున్నాడు.అయితే, కోవిడ్ సమయంలో నీరజ్ భార్య చనిపోయిన తర్వాత మాయ, నీరజ్ మధ్య సాన్నిహిత్యం పెరిగిందని, ఈ విషయం మొదట్లో తనకు తెలియదని కుష్వాహా చెబుతున్నాడు./br>
ఈ విషయంపై తాను వారిని నిలదీయడంతో తనపై దాడి చేశారని, ఆ తర్వాత మాయ ఇల్లు వదిలి వెళ్లిపోయిందని కుష్వాహా ఆరోపించాడు.ఆగస్టు 25, 2024న, మాయ, నీరజ్ తిరిగి ఇంటికి వచ్చి, తాళం పగలగొట్టి, ఇంట్లో ఉన్న 15 గ్రాముల బంగారం, కొంత నగదును దొంగిలించుకుపోయారని కుష్వాహా సెప్టెంబర్ 1, 2024న పోలీసులకు ఫిర్యాదు చేశాడు.మార్చి 29న, మాయ తన తల్లిని చంపేస్తానని బెదిరించిందని కుష్వాహా చెబుతున్నాడు.దీన్ని అడ్డుకోబోయిన తనపై, తన తల్లిపై మాయ, నీరజ్ కలిసి దాడి చేశారని ఆరోపించాడు.
ఈ దాడి సమయంలోనే మాయ, “ఎక్కువ మాట్లాడితే.మీరట్ మారణకాండలో లాగా నిన్ను ముక్కలుగా నరికించి డ్రమ్ములో ప్యాక్ చేయిస్తా” అని దారుణంగా బెదిరించినట్లు కుష్వాహా ఫిర్యాదులో పేర్కొన్నాడు./br>
అయితే, భర్త చేస్తున్న ఆరోపణలను మాయ ఖండించింది.కుష్వాహా ఏళ్లుగా తనను వేధిస్తున్నాడని, బలవంతంగా నాలుగుసార్లు అబార్షన్లు చేయించాడని ఆమె ఆరోపించింది.జులై 2024లో కుష్వాహా తనను తీవ్రంగా కొట్టాడని, అందుకే తాను పోలీసులకు ఫిర్యాదు చేశానని తెలిపింది.ఆ తర్వాత కుష్వాహానే విడాకుల కోసం దరఖాస్తు చేసి, తనను ఇంటి నుంచి గెంటేశాడని ఆమె చెప్తోంది.
కోత్వాలి పోలీస్ స్టేషన్ SHO వివేక్ త్రివేది మాట్లాడుతూ, ఈ దంపతుల మధ్య ఇప్పటికే పలు కేసులు కోర్టులో నడుస్తున్నాయని ధృవీకరించారు.తాజాగా అందిన ఫిర్యాదు మేరకు పోలీసులు విచారణ ప్రారంభించామని, సీసీటీవీ ఫుటేజ్‌ను పరిశీలిస్తున్నామని తెలిపారు.
ఈ కేసులో నిజానిజాలు త్వరలోనే బయటకు వచ్చే అవకాశం ఉంది.
