ఆ పాత్రలకు నో చెప్పి రాజశేఖర్ తప్పు చేశారా.. పరిస్థితి దారుణమంటూ?

సినిమా రంగంలో కాలంతో పాటు మారితే మాత్రమే కొత్త సినిమా ఆఫర్లు రావడంతో పాటు కెరీర్ పుంజుకుంటుందని చెప్పవచ్చు.హీరో రాజశేఖర్ కు ఈ మధ్య కాలంలో తను హీరోగా తెరకెక్కుతున్న సినిమాలతో వరుస షాకులు తగులుతున్నాయనే సంగతి తెలిసిందే.

శేఖర్ సినిమాతో రాజశేఖర్ ఖాతాలో మరో ఫ్లాప్ చేరింది.ఈ సినిమా పుంజుకునే అవకాశం అయితే దాదాపుగా లేదని కామెంట్లు వినిపిస్తున్నాయి.

జగపతిబాబు, శ్రీకాంత్ మార్కెట్ తగ్గిన తర్వాత కొత్త తరహా పాత్రలకు ఓకే చెబుతూ కెరీర్ ను కొనసాగిస్తున్నారు.కొన్నిరోజుల క్రితం గోపీచంద్ శ్రీవాస్ కాంబో మూవీలో కీలక పాత్ర కోసం రాజశేఖర్ ఎంపికయ్యారని వార్తలు ప్రచారంలోకి వచ్చాయి.

అయితే తర్వాత రోజుల్లో రాజశేఖర్ ఆ సినిమా నుంచి తప్పుకున్నారు.మంచి పాత్రలు రావడం లేదని తన ఇమేజ్ ను వాడుకోవాలని ప్రయత్నం చేస్తున్నారని అందుకే తాను తప్పుకున్నానని రాజశేఖర్ చెప్పుకొచ్చారు.

కరోనా థర్డ్ వేవ్ తర్వాత హిట్ టాక్ వచ్చిన సినిమాలను మాత్రమే థియేటర్లలో చూడటానికి ప్రేక్షకులు ఇష్టపడుతున్నారు.

ప్రస్తుతం రాజశేఖర్ కు పెద్దగా క్రేజ్ లేదు.మరీ హిట్ టాక్ వచ్చినా రాజశేఖర్ సినిమాలకు కలెక్షన్లు వస్తాయా అనే ప్రశ్నకు కాదనే సమాధానం వినిపిస్తుంది.రాజశేఖర్ ఇకనైనా కథల ఎంపికలో పాత్రల ఎంపికలో మారాలని ఆయన అభిమానులు కోరుకుంటున్నారు.

ఇకనైనా రాజశేఖర్ మారని పక్షంలో ఆయన కెరీర్ ప్రమాదంలో పడినట్టేనని చెప్పవచ్చు.మరోవైపు వరుస వివాదాలు రాజశేఖర్ కుటుంబానికి ఊహించని స్థాయిలో డ్యామేజ్ చేస్తున్నాయి.రాజశేఖర్ కుటుంబం ఇకనైనా వివాదాలకు దూరంగా ఉంటే మంచిదని నెటిజన్ల నుంచి అభిప్రాయాలు వినిపిస్తున్నాయి.వివాదాల వల్ల రాజశేఖర్ సినిమాలకు ఆశించిన స్థాయిలో కలెక్షన్లు రావడం లేదని కామెంట్లు వినిపిస్తున్నాయి.

కెరీర్ విషయంలో రాజశేఖర్ జాగ్రత్త పడాల్సి ఉంది.