యంగ్ హీరో నితిన్ నటిస్తున్న తాజా చిత్రం ‘భీష్మ’ షూటింగ్ గతకొద్ది రోజులుగా శరవేగంగా జరుగుతోన్న విషయం తెలిసిందే.వరుస ఫ్లాపులతో సతమతమవుతున్న నితిన్, ఈ సినిమాతో మళ్లీ సక్సెస్ ట్రాక్ ఎక్కాలని చూస్తున్నాడు.
ఇక ఈ సినిమాను ఔట్ అండ్ ఔట్ కామెడీ ఎంటర్టైనర్గా చిత్ర యూనిట్ తెరకెక్కిస్తోండగా, ఇటీవల రిలీజ్ అయిన ఈ చిత్ర పోస్టర్స్, లిరికల్ సాంగ్స్ ప్రేక్షకులను ఆకట్టుకున్నాయి.
కాగా ఈ సినిమా షూటింగ్ను నితిన్ ముగించినట్లు చిత్ర యూనిట్ తెలిపింది.
నితిన్ ఈ మేరకు సోషల్ మీడియాలో ఓ ట్వీట్ కూడా చేశాడు.ఈ సినిమా షూటింగ్ ముగిసినందుకు చాలా బాధగా ఉందని, కానీ ఇలాంటి సినిమాలో నటించినందుకు తాను సంతోషంగా, గర్వంగా ఫీల్ అవుతున్నానంటూ నితిన్ చెప్పుకొచ్చాడు.
వేణు కుడుముల డైరెక్ట్ చేస్తున్న ఈ సినిమా ఖచ్చితంగా విజయం సాధిస్తుందని నితిన్ ధీమా వ్యక్తం చేశాడు.
అందాల భామ రష్మిక మందన హీరోయిన్గా నటిస్తున్న ఈ సినిమాను ఫిబ్రవరి 21న రిలీజ్ చేసేందుకు చిత్ర యూనిట్ రెడీ అవుతోంది.
ఈ సినిమాను సూర్యదేవరి నాగవంశీ ప్రొడ్యూస్ చేస్తుండగా మహతి స్వరసాగర్ మ్యూజిక్ అందిస్తున్నాడు.ఈ సినిమాతో నితిన్ హిట్ కొడతాడా లేడా అనేది చూడాలి.