యాదాద్రి భువనగిరి జిల్లా: మోత్కూర్ పట్టణానికి చెందిన ఆరవ తరగతి విద్యార్ది ధర్మకోల్ తో నిర్మించిన అయోధ్య రామమందిరం పలువురిని అబ్బురపరుస్తోంది.వివరాల్లోకి వెళితే… మోత్కూరు పట్టణానికి( Motkur ) చెందిన గనగాని అనిల్,పావని దంపతుల చిన్న కుమారుడు గనగాని హృతిక్ గౌడ్ 5 వ తరగతి వరకు స్థానిక అక్షర ఇంగ్లీషు మీడియం పాఠశాలలో చదివి, ప్రస్తుతం కీసర ఎస్ఆర్ ప్రైమ్ స్కూల్లో 6వ,తరగతి చదువుతున్నాడు.
సంక్రాంతి సెలవులకు ఇంటికి వచ్చిన ఆ చిన్నారి తనలోని సృజనాత్మకతకు పదును పెట్టాడు.థర్మకోల్ ను ఉపయోగించి అయోధ్య రామమందిర నిర్మాణం చేసి ప్రతిభను చాటుకున్నాడు.
థర్మకోల్( Thermocol ) తో తయారు చేసిన అయోధ్య రామమందిర నిర్మాణం పలువురి మన్ననలు పొందుతుంది.
