నైజాం లో 'సలార్' మూవీ టికెట్ రేట్స్ ఆ రేంజ్ లో ఉండబోతున్నాయా..! సామాన్యులు సినిమా చూడొద్దా?

ప్రస్తుతం టాలీవుడ్ తో పాటుగా బాలీవుడ్ కూడా ఎన్నో ఆశలు మరియు అంచనాలతో ఎదురు చూస్తున్న క్రేజీ ప్రాజెక్ట్స్ లో ఒకటి సలార్.

కేజీఎఫ్ సిరీస్ లాంటి సంచలన విజయాలు తర్వాత డైరెక్టర్ ప్రశాంత్ నీల్ ప్రభాస్ ( Prabhas , Prashanth Neel )లాంటి పాన్ ఇండియన్ సూపర్ స్టార్ తో సినిమా చెయ్యడం తో షూటింగ్ దశలో ఉన్నప్పుడే ఈ చిత్రం పై భారీ అంచనాలు ఉండేవి.

కానీ సెప్టెంబర్ 28 వ తారీఖున విడుదల కావాల్సిన ఈ సినిమాని కొన్ని అనుకోని కారణాల వల్ల డిసెంబర్ 22 వ తేదికి వాయిదా వేశారు.అయినప్పటికీ కూడా ఈ చిత్రానికి ఉన్న క్రేజ్ ఇసుమంత కూడా తగ్గలేదు అనడం లో ఎలాంటి అతిశయోక్తి లేదు.

కేవలం ఒకే ఒక్క చిన్న టీజర్ తో జరిగిన బిజినెస్ ఇదంతా.ఆంధ్ర మరియు తెలంగాణ లో మాత్రమే కాదు, ఓవర్సీస్ మరియు బాలీవుడ్ లో కూడా ఈ చిత్రానికి థియేట్రికల్ బిజినెస్ కనీవినీ ఎరుగని రేంజ్ లో జరిగింది.