ఇండియాలో ఎక్కువ మంది ప్రయాణాలకు బైక్స్ నే వాడుతారు.ఎందుకంటే ద్విచక్ర వాహనాలపై చాలా సులభంగా తక్కువ ఖర్చులో గమ్యస్థానాలకు చేరుకోవచ్చు.
ముఖ్యంగా, ఇండియా లాంటి దేశాల్లో రద్దీగా ఉండే ప్రాంతాల్లో ఇవి చాలా ఉపయోగపడతాయి.ఇండియాలోని ప్రజల కోసం కంపెనీలు ప్రత్యేకమైన రకాల బైకులను తయారు చేస్తున్నాయి.
ఈ బైకులు ఇక్కడే దొరుకుతాయి.అంటే, అమెరికాలో( America ) ఎక్కడైనా ఇండియన్ బైక్ కనిపిస్తే, అది వెంటనే అందరి దృష్టిని ఆకర్షిస్తుంది.
తాజాగా అదే సంఘటన చోటు చేసుకుంది.అమెరికాలో ఇండియన్ బైక్ సందడి చేసింది.
దీనికి సంబంధించిన ఒక వీడియో ఇన్‌స్టాగ్రామ్‌లో వైరల్ అవుతోంది.ఈ వీడియో చూసిన వాళ్లు ఆశ్చర్యపోతున్నారు, కొంతమంది నవ్వుతున్నారు.ఈ వీడియోను @satnam_singh_dc అనే ఖాతాలో పోస్ట్ చేశారు.ఈ వీడియోలో ఒక బజాజ్ ప్లాటినా( Bajaj Platina ) బైక్‌ని దగ్గరగా చూపిస్తారు.ఆ తర్వాత కెమెరాను చుట్టూ తిప్పుతారు.అప్పుడు మనకు అర్థమవుతుంది, ఆ బైక్ అమెరికాలోని మేరీల్యాండ్ రాష్ట్రంలో( Maryland ) ఉన్న ఒక పార్కింగ్ లాట్‌లో ఉందని.
అంటే, అక్కడ అన్ని అమెరికన్ కార్లు ఉండగా, ఒక్క బజాజ్ ప్లాటినా బైక్ మాత్రమే ఉంది.
ఆ వీడియో కింద చాలా మంది ఫన్నీగా కామెంట్లు చేశారు.ఒకరు “ఈ బైక్ ఒక లీటర్ పెట్రోల్‌తో అమెరికా అంతా తిరిగింది’ అని రాశారు.మరొకరు, ‘ఇండియా నుంచి ఫుల్ ట్యాంక్‌తో అక్కడికి వెళ్ళి ఉంటుంది’ అని సరదాగా పేర్కొన్నారు.
మరొకరు, ‘ట్యాంక్ ఖాళీ చేయడానికి ఇంటి నుంచి బయలుదేరితే అమెరికా చేరుకున్నాడు’ అని రాశారు.మరొకరు, ‘ఈ బైక్ మైలేజ్ చూసి అమెరికన్లు పిచ్చివాళ్ళు అవుతారు’ అని రాశారు.
ఈ పోస్ట్‌ని 1,26,000 మంది లైక్ చేశారు.దీన్ని 35 లక్షల మంది చూశారు.
ఈ వీడియోను మీరు కూడా చూసేయండి.
