మీరు విన్నది నిజమే.అందుకే అది ప్రపంచ దేశాలకు పెద్దన్న అయి కూర్చుంది మరి.
ఇక విషయంలోకి వెళితే, యూఎస్ అత్యధిక సంపన్న నగరాలతో చైనా, ఆస్ట్రేలియా వంటి దేశాలను సైతం అధిగమించింది.ఒక సంస్థ చేపట్టిన తాజా సర్వేలో ఈ విషయం బయటపడింది.
ఏ దేశంలో లేని అత్యంత సంపన్న నగరాలు అమెరికాలోనే ఇపుడు ఉన్నాయి.ఇన్వెస్ట్‌మెంట్ మైగ్రేషన్ సంస్థ హెన్లీ & పార్ట్‌నర్స్ ప్రకారం, ప్రపంచంలోని ఏ నగరంలో లేని అత్యధిక మిలియనీర్లు న్యూయార్క్‌లోనే ఉన్నారట.గత సంవత్సరం ఈ నగరంలో దాదాపు 3.4 లక్షల మంది మిలియనీర్లు ఉన్నట్లు తెలిసింది.దాంతో న్యూయార్క్( New York ) అత్యంత సంపన్న నగరంగా అవతరించింది.
ఇక ప్రపంచంలోని అత్యంత ధనిక నగరాల్లో న్యూయార్క్ తర్వాతి స్థానాల్లో వున్నవి చూసుకుంటే టోక్యో, కాలిఫోర్నియా బే ఏరియా, లండన్, సింగపూర్( Tokyo, California Bay Area, London, Singapore ) వరుసగా వున్నాయి.హెన్లీ & పార్ట్‌నర్స్ ప్రపంచవ్యాప్తంగా తొమ్మిది ప్రాంతాల్లోని 97 నగరాలను పరిశీలించడం జరిగింది.అంటే యూఎస్ తర్వాత చైనా, ఆస్ట్రేలియాలదే పైచేయిగా కనబడుతోంది.2012-2022 మధ్య కాలంలో అధిక నికర విలువ గల వ్యక్తుల సంఖ్య 40% పెరగడంతో న్యూయార్క్ నగరం ప్రపంచంలోనే అత్యంత సంపన్న నగరంగా మారింది.
ప్రపంచంలోనే అత్యధిక సంఖ్యలో బిలియనీర్లు వున్న నగరంగా కాలిఫోర్నియా బే ఏరియా రికార్డు సాధించింది.ఈ కోటీశ్వరులలో 63 మంది ఈ నగరంలోని సిలికాన్ వ్యాలీ, శాన్ ఫ్రాన్సిస్కో చుట్టూ ఉన్న ప్రాంతంలో నివసిస్తున్నట్టు తెలుస్తోంది.ఇక ఈ సర్వే ప్రకారం, ప్రపంచంలోని అన్ని నగరాల కంటే బే ఏరియాలోనే ఎక్కువ మంది బిలియనీర్లు ఉన్నారని భోగట్టా.
ఆ తర్వాత న్యూయార్క్, బీజింగ్, లాస్ ఏంజిల్స్, షాంఘై నగరాల్లోనూ అత్యధిక బిలియనీర్లు ఉన్నారు.
