అమృతంలో ఆ డైలాగ్స్ వల్ల జైలులో వేస్తామన్నారు.. హర్షవర్ధన్ సంచలన వ్యాఖ్యలు!

అంటే గంగరాజు గారి మీదున్న గౌరవం, అమృతం మీదున్న గౌరవం అలానే నా మీద ఉన్న మంచి అభిప్రాయంతో నాకు ఫోన్ చేసి ఈ విషయం చెప్పారు.ఎందుకు సార్ మీరు కూడా అలాంటి దిగజారుడు డైలాగురు రాస్తారు అంటే నేను షాకైపోయాను.సార్ అదేంటండి ఫలానా పెద్ద డైరెక్టర్ కూడా సినిమాల్లో వాడారు కదా అన్నా.మీరు చెబుతున్న డైరెక్టర్ ఈ విషయంపై ఎన్నిసార్లు కోర్టు కెళ్లారో తెలుసా అని కొశ్చన్ చేశారు.

నిజంగా నాకు తెలీదండి అన్నాను.కానీ అది కరెక్ట్ కాదు కదా.నీకు తెలీకుండా చేసినా తప్పు తప్పే.చట్టం గురించి అందరికీ తెలియాల్సిందే.

నన్నేదో జైల్లో వేస్తారని కాదు నా బాధ అక్కడ, నేను ఒకరిని కించ పరిచేలా అలా రాస్తానా, ప్రతి ఒక్కరికీ గౌరవం ఇచ్చి మాట్లాడే వ్యక్తిని నేను అదేదో మంచిపేరు కోసం కాదు.నాకు అదే కంఫర్ట్.

నా దగ్గరున్న వాళ్లకి నేనేంటో తెలుసు.కానీ ఒక జర్నలిస్ట్ నన్ను ఎక్కడి నుంచో ఫోన్ చేసి ఈ మాట అనగానే నాకు బాధ వేసింది.

ఆయన నా మంచికే చెప్పారు.మీకు కుదిరితే డిలీట్ చేసేయండి సార్,మీరంటే గౌరవం నాకు, అంత దిగజారక్కర్లేదు మీరు కొంచెం ఒళ్లు దగ్గరపెట్టుకొని రాయండి అన్నారు.

నేను వెంటనే ఆ డైలాగులు డిలీట్ చేయించాను.ఇలా మనకి తెలీకుండా చాలా పదాలు వాడేస్తాము.

ఎవరో వాడారు కదా అని మనం గుడ్డీగా ఫాలో అయిపోతుంటాము.కానీ అది తప్పని తెలిసినప్పుడు చెప్పాలి కదా అనే ఉద్దేశంతోనే ఇప్పుడు షేర్ చేస్తున్నాను అని హర్షవర్ధన్ తెలిపారు.