రెండేళ్ల తర్వాత గూగుల్ స్ట్రీట్ వ్యూలో భార్య ఆచూకీ.. చివరికేమైందో తెలిస్తే..?

బెల్జియంలో( Belgium ) జరిగిన ఈ హృదయ విదారక ఘటన ఎవరినైనా కదిలిస్తుంది.మార్సెల్ టారెట్( Marcel Tarret ) అనే వ్యక్తి తన భార్య పౌలెట్ లాండ్రియక్స్ కనిపించకుండా పోవడంతో రెండేళ్లు నరకం చూశాడు.83 ఏళ్ల పౌలెట్( Paulette ) అల్జీమర్స్ వ్యాధితో( Alzheimers ) బాధపడుతుండటంతో జ్ఞాపకశక్తి కోల్పోవడం, గందరగోళానికి గురికావడం సర్వసాధారణం.ఆమె తరచూ మందులు మరిచిపోవడం, ఒక్కోసారి ఇంటి నుండి బయటకు వెళ్లిపోవడం జరిగేది.

భర్త మార్సెల్ ఎప్పుడూ ఆమెను వెతికి సురక్షితంగా ఇంటికి తీసుకొచ్చేవాడు.కానీ ఒకరోజు ఓ క్షణం జీవితాన్నే మార్చేసింది.

2020 నవంబర్ 2న మార్సెల్ ఇంటి వెనుక బట్టలు ఆరేయడానికి వెళ్లాడు.పౌలెట్ ఇంట్లో టీవీ చూస్తూ కూర్చుంది.

ఆమె కోసం స్నాక్స్ కూడా సిద్ధం చేశాడు.కానీ మార్సెల్ తిరిగి వచ్చేసరికి పౌలెట్ అక్కడ లేదు! ఇల్లంతా వెతికాడు, చుట్టుపక్కల వాళ్ళని అడిగాడు, ఎక్కడా ఆచూకీ లేదు.

భయంతో పోలీసులకు ఫిర్యాదు చేశాడు.హెలికాప్టర్లతో గాలించినా ఫలితం శూన్యం.

పౌలెట్ ఎక్కడికి వెళ్ళిందో ఎవరికీ తెలియదు.

రెండు సంవత్సరాలు గడిచాయి.పౌలెట్ ఇక దొరకదేమోనని మార్సెల్ నిరాశలో కూరుకుపోయాడు.కానీ 2022లో ఊహించని ట్విస్ట్, ఒక పొరుగువాడు గూగుల్ స్ట్రీట్ వ్యూ( Google Street View ) చూస్తుండగా మార్సెల్ ఇంటి ముందు తీసిన ఒక ఫోటో కనిపించింది.

అందులో పౌలెట్ ఒక కాలిబాట వైపు, పొదల్లోకి వెళ్తున్నట్లు ఉంది! ఇది చూసి అందరూ షాక్ అయ్యారు.

పోలీసులు వెంటనే ఆ ప్రాంతానికి వెళ్లి వెతికారు.దట్టమైన పొదల్లో దాగి ఉన్న ఒక కాలువలో పౌలెట్ మృతదేహం కనిపించింది.పొదల్లో చిక్కుకుపోయి బయటకు రాలేక ఆమె మరణించి ఉండవచ్చని పోలీసులు అనుమానిస్తున్నారు.

రెండేళ్ల మిస్టరీకి ఇలా విషాదకర ముగింపు పలకాల్సి వచ్చింది.ఈ ఘటన మార్సెల్‌ను, ఆ ప్రాంత ప్రజలను తీవ్ర విషాదంలో ముంచెత్తింది.