ఇక టార్గెట్ లోకేష్..??

వాస్తవానికి బీజేపీ ప్రభుత్వం చంద్రబాబు కంటే కూడా బాబు తనయుడు లోకేష్ పై ప్రధానంగా దృష్టి పెట్టిందనే అర్థమవుతోంది.ఇటీవల కాలంలో జరుగుతున్న పరిణామాలు ఇందుకు నిదర్సనంగా కనిపిస్తున్నాయి.తాజాగా బీజేపీ నేత జీవీఎల్ కూడా దానినే స్ప‌ష్టం చేసేశారు.

అతి త్వరలో లోకేష్ విషయంలో బీజేపీ కోర్టు ద్వారా ముందుకు వెళ్లనుందని మంత్రిత్వ శాఖ వ్య‌వ‌హారాల‌పై కోర్ట్ ని ఆశ్ర‌యించ‌బోతున్న‌ట్టు వెల్ల‌డించారు.దాంతో ఆప‌రేష‌న్ నారా లోకేష్ సాగుతున్న‌ట్టుగా టీడీపీ నేతలు అనుమానాలు వ్యక్తం చేస్తున్నారు.

ఇదిలాఉంటే ఒక వైపు ఓటుకు నోటు కేసులో ఆ 50ల‌క్ష‌ల రూపాయల వివ‌రాలు సేకరించి ఆ పై చంద్రబాబు కి నోటీసుకు ఇచ్చి ఏపీ టీడీపీ లో అలజడి రేపడానికి బీజేపీ ప్రయత్నాలు ముమ్మరం చేస్తోందని అయితే ఈ క్రమంలోనే లోకేష్ ని కూడా ఇరికిస్తే తెలుగుదేశం పార్టీ పై తీవ్రమైన ప్రభావం పడటమే కాకుండా ఏపీలో టీడీపీ పై నమ్మకం కూడా పోతుందని అంచనాలు వేస్తున్నారట.తద్వారా బాబు ని లోకేష్ ని చిక్కుల్లో పడేయాలనేది బీజేపీ వ్యూహంగా అర్థమవుతోంది.