బెంగళూరు నగరంలోని ఇందిరానగర్ ప్రాంతంలో ఓ సాఫ్ట్‌వేర్ ఇంజనీయర్‌పై( Software Engineer ) ఆటో డ్రైవర్ ఉమ్మిన సంఘటన కలకలం రేపింది.పారిషి( ) అనే మహిళ రోడ్డుపై నడుస్తున్నప్పుడు ఓ ఆటో డ్రైవర్ ఆమెపై ఉమ్మివేసి, ఆమె తెల్లటి షర్ట్‌పై ఎర్రటి మరకలకు కారణమయ్యాడు.
ఈ ఘటనకు సంబంధించిన ఫోటోలను ఆమె సోషల్ మీడియాలో పోస్ట్ చేసింది.
ఈ పోస్ట్ వైరల్ కావడంతో చాలా మంది నెటిజన్లు ఆమెకు మద్దతుగా స్పందించారు.
ఆటో డ్రైవర్‌పై చర్యలు తీసుకోవాలని డిమాండ్ చేశారు.కొందరు ఆమెకు సలహాలు కూడా ఇచ్చారు.
ఆటో డ్రైవర్ నంబర్ గుర్తు ఉంటే పోలీసులకు ఫిర్యాదు చేయాలని, సీసీటీవీ ఫుటేజ్ ద్వారా అతడిని గుర్తించవచ్చని చెప్పారు.ఇలాంటి దుర్మార్గాలను ఎదుర్కోవడానికి మహిళలు ధైర్యంగా ఉండాలని, న్యాయం కోసం పోరాడాలని ప్రోత్సహించారు.
పారిషి పోస్ట్‌ను గమనించిన బెంగళూరు నగర పోలీసులు చర్యలు తీసుకోవడానికి ఆమెను సంప్రదించారు.ఇలాంటి అసభ్య ప్రవర్తన ఎదుర్కొన్నప్పుడు పౌరులకు సహాయం చేయడానికి సిద్ధంగా ఉన్నామని అధికారులు భరోసా ఇచ్చారు.ఆటో డ్రైవర్ కళ్ళు మూసుకున్నాడా ఇలా రోడ్లపై మనుషులను చూడకుండా ఎలా ఉమ్మి వేస్తాడు అని చాలామంది మండిపడుతున్నారు.ఇలాంటి వారిని బయటికి లాగి దేహశుద్ధి చేయాలని, అప్పుడు గాని ఇలాంటి నిర్లక్ష్యపు ప్రవర్తనకు పాల్పడరని మరికొందరు ఆగ్రహం వ్యక్తం చేశారు.
ఇలాంటి ఘటన జరగడం ఇదే మొదటిసారి కాదు.ఈ సంవత్సరం ప్రారంభంలో ఢిల్లీలో ఇలాంటి మరొక ఘటన జరిగింది, అక్కడ ఒక మహిళ మెట్రో స్టేషన్‌లో ఒక వ్యక్తి తనపై ఉమ్మివేశాడని ఫిర్యాదు చేసింది.ఆమె తన వెనుక నిలబడి పాన్ తింటున్న వ్యక్తి తనపై ఉమ్మివేశాడని వివరించింది.ఆమె కూడా ఆ వ్యక్తి చిత్రాన్ని పంచుకుంది.
