ఎన్నికలకు ముందే టోకెన్లు ! టిడిపి నయా స్కెచ్ ??

మహానాడు( Mahanadu ) వేదికగా మినీ మేనిఫెస్టో ప్రకటించిన తెలుగుదేశం పార్టీ( TDP ) అనేక సంక్షేమ పథకాలను ప్రకటించింది.అయితే ప్రజలలో వాటి విశ్వసనీయత పై అనుమానంతో ఎన్నికలకు ముందే వాటి లబ్ది దారులను ఎంపిక చేసి టోకెన్లు పంచడం అనే ప్రక్రియ కు తెర తీసి సరికొత్త చర్చకు దారి తీసింది.అమ్మకు వందనం( Ammaku Vandanam ) పేరుతో తాము ప్రకటించిన సంక్షేమ పథకం తాలూకు అర్హులందరికీ ముందుగానే టోకెన్లు పంపిణీ చేస్తామని, అధికారంలోకి రాగానే వాటిని అమలు చేస్తామంటూ తెలుగుదేశం నాయకులు చెబుతున్నారు, జగన్ ప్రభుత్వం పెట్టిన కండిషన్స్ తామేమి పెట్టమని ఇంట్లో ఎంతమందికి ఉంటే అంతమందికి ఇస్తామని ప్రజలకి నమ్మకం కలిగించేందుకే ముందుగా టోకెన్లు ఇస్తున్నామని నేతలు చెప్పుకుంటున్నారు.

అయితే తెలుగుదేశం ప్రభుత్వం అనేక హామీలు ఇచ్చినప్పటికీ కేవలం అమ్మకు వందనం పథకానికి మాత్రమే ఎందుకు టోకెన్లు ఇస్తున్నారని? మిగిలిన రైతుబంధు గాని మిగిలిన సంక్షేమ పథకాలకు కూడా టోకెన్లు ఇవ్వాలి కదా అంటూ వైసీపీ నేతలు ఎదురు దాడి చేస్తున్నారు.ఏది ఏమైనా అలవి గాని హామీలు ఇచ్చి ప్రజా నమ్మకం పోగొట్టుకుంటున్న పార్టీలకు ఈరోజు తాను ఇచ్చిన హామీలను అమలు చేస్తామని నమ్మించడం చాలా కష్టమైపోయింది అని చెప్పవచ్చు .ఈ పరిస్థితి మాత్రం రాజకీయ నాయకుల స్వయంకృత అపరాధం కిందే చూడాలి

.