మిల్కీ బ్యూటీ తమన్నా ప్రస్తుతం చాలా సెలెక్టివ్గా సినిమాలు చేస్తూ దూసుకుపోతుంది.స్టార్ హీరోయిన్ స్టేటస్ను ఎంజాయ్ చేస్తూనే అమ్మడు ఎంచుకునే కథలు ఆమెకు ప్రత్యేక గుర్తింపును తీసుకొస్తున్నాయి.
ఈ క్రమంలో మ్యాచో స్టార్ గోపీచంద్ సరసన సీటీమార్ చిత్రంలో నటిస్తున్న తమన్నా, విలక్షణ నటుడిగా గుర్తింపు తెచ్చుకున్న సత్యదేవ్తో కలిసి ఓ సినిమా చేసేందుకు రెడీ అయ్యింది.కన్నడ సూపర్ హిట్ మూవీ ‘లవ్ మాక్టెయిల్’ చిత్రాన్ని తెలుగులో రీమేక్ చేసేందుకు ప్రయత్నాలు జరుగుతున్నాయి.
ఈ సినిమాకు ‘గుర్తుందా శీతాకాలం’ అనే టైటిల్ను కూడా నిర్ణయించింది చిత్ర యూనిట్.అయితే ఈ సినిమా షూటింగ్ మొదలుకాకముందే ఆగిపోయినట్లు చిత్ర వర్గాల్లో టాక్ వినిపిస్తోంది.
దీనికి కారణం సత్యదేవ్ వేరొక చిత్రానికి గ్రీన్ సిగ్నల్ ఇవ్వడమే కాకుండా ఆ సినిమా షూటింగ్ను కూడా మొదలుపెట్టినట్లు తెలుస్తోంది.అయితే ఈ వార్తలపై సత్యదేవ్ స్పందించాడు.
తమన్నాతో చేయబోయే సినిమా ఆగిపోలేదని ఆయన వెల్లడించాడు.ఈ సినిమాను అతి త్వరలో ప్రారంభించేందుకు చిత్ర యూనిట్ రెడీ అవుతున్నట్లు ఆయన పేర్కొన్నాడు.
నాగశేఖర్ ఈ సినిమాను డైరెక్ట్ చేస్తూ ప్రొడ్యూస్ చేస్తుండగా కాలభైరవ ఈ సినిమాకు సంగీతం అందిస్తున్నాడు.ఈ సినిమాలో తమన్నా పాత్ర చాలా వైవిధ్యంగా ఉండనుందని, ఆమెతో నటించేందుకు తాను ఎదురుచూస్తున్నానని సత్యదేవ్ చెప్పుకొచ్చాడు.
మొత్తానికి తమన్నా లాంటి స్టార్ బ్యూటీతో సినిమా చేసే ఛాన్స్ కొట్టేసిన సత్యదేవ్, వేరొక సినిమా కోసం ఈ అవకాశాన్ని ఎందుకు వదులుకుంటాడా అనే అంశం సినీ వర్గాల్లో వినిపిస్తోంది.మరి ఈ సినిమాను చిత్ర యూనిట్ ఎప్పుడు ప్రారంభిస్తుందా అనేది చూడాలి.
ఇక తమన్నా ఇటీవల కరోనాను జయించిన సంగతి అందరికీ తెలిసిందే.మరి తమన్నా తిరగి సినిమా షూటింగ్లలో ఎప్పుడు జాయిన్ అవుతుందా అనే అంశం సినీ వర్గాల్లో హాట్ టాపిక్గా మారింది.