నేచురల్ స్టార్ నాని ప్రస్తుతం వరుసబెట్టి సినిమాలు చేస్తూ దూసుకుపోతున్నాడు.ఇప్పటికే ఇంద్రగంటి మోహన్కృష్ణ డైరెక్షన్లో తెరకెక్కుతున్న ‘వి’ చిత్రంలో నాని విలన్ పాత్రలో నటిస్తున్న సంగతి తెలిసిందే.
ఈ సినిమాతో మరోసారి తనదైన మార్క్ వేసేందుకు రెడీ అవుతున్నాడు.ఇక ఈ సినిమా తరువాత తన నెక్ట్స్ మూవీని శివ నిర్వాణ డైరెక్షన్లో టక్ జగదీష్ చిత్రంలో నటిస్తున్నాడు.
ఈ సినిమా తరువాత కూడా నాని తనదైన సినిమాల సెలెక్షన్లతో దూసుకెళ్లేందుకు రెడీ అవుతున్నాడు.
అయితే ఈసారి తెలంగాణ యాసతో నాని తుక్కురేగొట్టేందుకు రెడీ అవుతున్నాడు.
నాని ఇప్పటికే కృష్ణార్జున యుద్ధం చిత్రంలో రాయలసీమ యాసలో ప్రేక్షకులను అలరించిన సంగతి తెలిసిందే.ఇప్పుడు టక్ జగదీష్ చిత్రంలో గోదావరి బుల్లోడిగా నాని గోదావరి యాసలో మాట్లాడి ప్రేక్షకులను అలరించేందుకు రెడీ అవుతున్నాడు.
అయితే తన నెక్ట్స్ చిత్రంలో తెలంగాణ యాసలో మాట్లాడి ప్రేక్షకులను మెస్మరైజ్ చేసేందుకు నాని రెడీ అవుతున్నాడు.
‘పడి పడి లేచే మనసు’ వంటి చిత్రాన్ని ప్రొడ్యూస్ చేసిన సుధాకర్ చెరుకూరి నిర్మాణంలో తెరకెక్కబోయే సినిమాలో నాని నటించనున్నాడు.
ఈ సినిమాలో నాని ఫుల్టూ తెలంగాణ అబ్బాయిగా నటిస్తాడని తెలుస్తోంది.ఈ సినిమాను వచ్చే ఏడాదిలో ప్రారంభించేందుకు రెడీ అవుతున్నారు చిత్ర యూనిట్.మరి రాయలసీమ యాసలో మెప్పించి, గోదావరి యాసతో రెడీ అయిన నాని తెలంగాణ యాసలో ఎలా ఉండబోతున్నాడో చూడాలంటే మరో ఏడాది ఆగాల్సిందే.