మాస్ రాజా రవితేజ నటిస్తున్న లేటెస్ట్ మూవీ క్రాక్ ప్రస్తుతం లాక్‌డౌన్ తరువాత రిలీజ్‌కు రెడీ అవుతోంది.ఈ సినిమాతో ప్రేక్షకులను మెప్పించేందుకు రవితేజ మరోసారి రెడీ అవుతున్నాడు.
కాగా ఈ సినిమా తరువాత రవితేజ చాలా సెలెక్టివ్‌గా సినిమాలు ఎంచుకుంటూ వెళ్తున్నాడు.ఈ క్రమంలోనే నేచురల్ స్టార్ నాని తనవద్దకు వచ్చిన ఓ సినిమాను ఇదివరకు రవితేజకు అప్పగించాడు.
దర్శకుడు నక్కిన త్రినాథరావు వినిపించిన ఓ మాస్ చిత్రాన్ని రవితేజకు రికమెండ్ చేశాడట నాని.
ఇప్పుడు మరో సినిమా విషయంలో కూడా ఇదే జరిగినట్లు తెలుస్తోంది.
రైటర్ నుండి దర్శకుడిగా మారిన వక్కంతం వంశీ ప్రస్తుతం ఓ అదిరిపోయే స్క్రిప్టును రెడీ చేశాడట.కాగా ఈ కథను నానికి వినిపించాడట వక్కంతం వంశీ.సినిమా కథ బాగా నచ్చడంతో నాని ఈ సినిమా తనకంటే కూడా మాస్ రాజా రవితేజకు బాగా సూట్ అవుతుందని భావించాడట.దీంతో వక్కంతం చిత్రానికి ఆయన నో చెప్పినట్లు తెలుస్తోంది.
కాగా ప్రస్తుతం లాక్‌డౌన్ కారణంగా ఈ సినిమా కథను రవితేజకు వినిపించలేకపోయిన వక్కంతం, లాక్‌డౌన్ ముగియగానే ఈ కథను ఆయనకు వినిపించాలని చూస్తున్నాడట.మరి వక్కంతం కథ రవితేజకు నచ్చుతుందా లేదా అనేది ఆసక్తికరంగా మారింది.
ఒకవేళ రవితేజ ఈ స్క్రిప్టుకు నో చెబితే వక్కంతం పరిస్థితి ఏమిటని పలువురు సందేహం వ్యక్తం చేస్తున్నారు.కాగా క్రాక్ సినిమాలో రవితేజ సరసన శృతి హాసన్ హీరోయిన్‌గా నటిస్తోన్న సంగతి తెలిసిందే.
