మహేష్ బాబు తాజాగా నటించిన సర్కారు వారి పాట సినిమాతో ఎంతో మంచి విజయాన్ని అందుకున్నారు.ఈ క్రమంలోనే ఈయన తన తదుపరి 28వ చిత్రాన్ని మాటల మాంత్రికుడు త్రివిక్రమ్ శ్రీనివాస్ దర్శకత్వంలో చేయనున్నట్లు ప్రకటించారు.
ఇప్పటికే ఈ సినిమా పూజా కార్యక్రమాలను కూడా పూర్తి చేసుకున్నారు.ఇకపోతే ఈ సినిమా ఇప్పటికే ప్రారంభం కావాల్సి ఉండగా పలు కారణాల వల్ల ఆలస్యం అవుతోంది.
మహేష్ బాబు సూచనల మేరకు స్క్రిప్టు లో కొన్ని కీలక మార్పులు చేస్తున్నట్లు సమాచారం.ఇకపోతే ఈ సినిమా త్వరలోనే షూటింగ్ ప్రారంభిస్తుందని చెప్పినప్పటికీ ఈ సినిమాకి సంబంధించి ఎలాంటి అప్డేట్ ఇవ్వకపోవడంతో మహేష్ అభిమానులు పెద్ద ఎత్తున ఈ సినిమా అప్డేట్ కోసం ఎదురు చూస్తున్నారు.
ఈ క్రమంలోనే ఈ సినిమాకు సంబంధించి ఎలాంటి అప్ డేట్ అయిన ఇవ్వండి అంటూ సోషల్ మీడియా వేదికగా పెద్ద ఎత్తున మహేష్ బాబు అభిమానులు ట్వీట్స్ చేస్తున్నారు.ఈ క్రమంలోని ఈ విధంగా సినిమా అప్డేట్ కోసం నెటిజన్ చేసిన ట్వీట్ పై మేకర్స్ స్పందించారు.
ఈ సందర్భంగా నిర్మాత నాగ వంశీ ట్విట్టర్ వేదికగా స్పందిస్తూ అభిమానుల ఆతృత మేము అర్థం చేసుకోగలం ఏదైనా సమయం వచ్చినప్పుడు చెబితేనే శ్రేయస్కరంగా ఉంటుంది.అందుకే ఎప్పుడు పడితే అప్పుడు అప్డేట్స్ అందించలేక పోతున్నాము.
మహేష్ బాబు త్రివిక్రమ్ శ్రీనివాస్ దర్శకత్వంలో దాదాపు 12 సంవత్సరాల తర్వాత సినిమా రావడంతో ఈ సినిమా ఎంతో ప్రత్యేకమైనది.అందుకే ఈ సినిమాకి సంబంధించిన ప్రతి సన్నివేశాన్ని ప్రత్యేకమైన రోజు విడుదల చేయడానికి ప్లాన్ చేస్తున్నామని,కచ్చితంగా వీరిద్దరి కాంబినేషన్లో రాబోయే ఈ సినిమా ప్రతి ఒక్కరిని ఆకట్టుకుంటుందని ఈ సందర్భంగా నిర్మాత నాగ వంశీ మహేష్ బాబు గురించి తెలియ చేశారు.
తెలుగు వార్త విశేషాలు సులభముగా తెలుసుకోండి!!!!
