దిల్ రాజు ఇంటి నుండి మరో వారసుడు ఇండస్ట్రీలోకి అడుగు పెట్టబోతున్న విషయం మనకు తెలిసిందే.రౌడీ బాయ్స్ చిత్రం ద్వారా ఆశిష్ రెడ్డి హీరోగా తెలుగు తెరకు పరిచయం కానున్నారు.
హరీష్ కొనగంటి దర్శకత్వం వహించిన ఈ సినిమా జనవరి 14వ తేదీన ప్రేక్షకుల ముందుకు రానున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహించారు.కాకపోతే ఈ సినిమాలో ఆశిష్ సరసన మలయాళ కుట్టి అనుపమ పరమేశ్వరన్ నటించిన సంగతి మనకు తెలిసిందే.
తాజాగా ఈ సినిమా నుంచి ట్రైలర్ విడుదల చేయడంతో అనుపమ పరమేశ్వరన్ దారుణమైన ట్రోలింగ్ కి గురయ్యారు.ఈ ట్రైలర్ లో భాగంగా అనుపమ పరమేశ్వరన్ లిప్ లాక్ కిస్ చేయడంతో పెద్ద ఎత్తున నెటిజన్లు ఈమె పై ఆగ్రహం వ్యక్తం చేశారు.
డబ్బు కోసం ఇలా దిగజారాలా? అంటూ ప్రశ్నించారు.అదేవిధంగా ఈమెపై ఎన్నో రకాల మీమ్స్ సోషల్ మీడియాలో చక్కర్లు కొట్టాయి.
ఇకపోతే తాజాగా ఈ ముద్దుగుమ్మ తన లిప్ లాక్ మీమ్స్ గురించి స్పందించారు.
ఈ సందర్భంగా అనుపమ మాట్లాడుతూ.లీడ్ పెయిర్ ఆ మీమ్స్ ను చూసి, అభిమానుల క్రియేటివిటీని చూసి ఈమె బిగ్గరగా నవ్వారు.అదేవిధంగా లిప్ లాక్ సన్నివేశం సినిమాలో ఒక భాగం మాత్రమేనని, ఈ సినిమాలో కేవలం హీరో పాత్ర నా పాత్రను మాత్రమే ముద్దు పెట్టుకుంది అంటూ నచ్చచెప్పే ప్రయత్నం చేశారు.
ఈ సినిమా చూస్తే అసలు విషయం మీకే అర్థమవుతుందని, సినిమా చూసిన అనంతరం మీ అభిప్రాయాన్ని, మీ నిర్ణయాన్ని మార్చుకుంటారని ఈ సందర్భంగా అనుపమ పరమేశ్వరన్ రౌడీ బాయ్స్ చిత్రంలోని లిప్ లాక్ సన్నివేశం పై స్పందించారు.
