ప్రపంచ ఆర్చరీ ఛాంపియన్ షిప్ లో భారత్ కు స్వర్ణం..!

ప్రపంచ సీనియర్ చాంపియన్ షిప్( Senior Champion Ship ) లో ఎన్నో ఏళ్లుగా స్వర్ణ పతకం కోసం ఎదురుచూస్తున్న భారత్ కల ఎట్టకేలకు నెరవేరింది.2017, 2021 ప్రపంచ ఆర్చరీ ఛాంపియన్ షిప్( Archery Championship ) లలో ఫైనల్ చేరిన భారత జట్టు రజక పతకాలతో సరిపెట్టుకుంది.ఈసారి మాత్రం స్వర్ణ పతకం గెలిచి భారత్ తన సత్తా ఏంటో నిరూపించింది.ప్రపంచ సీనియర్ ఆర్చరీ ఛాంపియన్ షిప్ లో భారత్ 12 పతకాలను సొంతం చేసుకుంది.

ఇందులో 1 స్వర్ణ పతకం, 9 రజత పతకాలు, 2 కాంస్య పతకాలు ఉన్నాయి.విజయవాడకు చెందిన జ్యోతి సురేఖ( Jyoti Surekha ), మహారాష్ట్రకు చెందిన అదితి స్వామి, పంజాబ్ కు చెందిన పర్ణిత్ కౌర్ త్రయం గురి.

భారతదేశానికి తొలి స్వర్ణం అందించారు.ఆర్చరీ ఏ విభాగంలో అయినా దేశానికి ఇదే తొలి పసిడి పతకం.

తాజాగా శుక్రవారం బెర్లిన్( Berlin ) లో జరిగిన కాంపౌండ్ మహిళల జట్టు విభాగం ఫైనల్ లో రెండో సీడ్ భారత జట్టు 235-229 తేడాతో టాప్ సీడ్ మెక్సికో పై గెలిచింది.మొదటినుండి తమకంటే బలమైన జట్లను ఓడిస్తూ ఫైనల్ కు చేరిన భారత అమ్మాయిలు.ఫైనల్ పోరులో కూడా అదే జోరు కొనసాగించారు.మెక్సికో పటిష్టంగా ఉన్నా కూడా చివరి వరకు పట్టు వదలకుండా అద్భుత ఆటను ప్రదర్శించి స్వర్ణం గెలిచారు.మెక్సికో పై తొలి రౌండు భారత్ ఆధిపత్యం చెలాయించింది.తొలి రౌండులో 60 కి 59 స్కోర్ చేశారు.

రెండో రౌండ్లో, మూడో రౌండ్ లోను 59 చొప్పున పాయింట్లు సాధించారు భారత అమ్మాయిలు.చివరి రౌండుకు ముందు భారత్ 177-172 ఆధిక్యంలో నిలిచింది.

ఇక చివరి రౌండ్ చివరి సెట్ కు ముందు భారత్ 207-199 తో ముందంజలో ఉండగా.చివరి సెట్ లో మెక్సికో( Mexico ) అర్చర్లు ముగ్గురు పదేసి చొప్పున పాయింట్ సాధించడంతో స్కోరు 229 కి చేరింది.ఇక భారత అర్చర్లలో పర్ణిత్ 10 పాయింట్లు, అదితి 9 పాయింట్లు సాధించారు.భారత్ గెలవడానికి మరో ఐదు పాయింట్లు అవసరం ఉండగా.తెలుగమ్మాయి సురేఖ ఏకంగా 9 పాయింట్లు సాధించింది.దీంతో ప్రపంచ ఛాంపియన్ గా భారత్ నిలిచింది.