నందమూరి కళ్యాణ్ రామ్ గత చిత్రం బింబిసారా మంచి విజయాన్ని సొంతం చేసుకున్న విషయం తెలిసిందే.చాలా సంవత్సరాల తర్వాత నందమూరి కళ్యాణ్ రామ్ ఆ సినిమాతో సక్సెస్ ని దక్కించుకున్నాడు.
ఆ సక్సెస్ కంటిన్యూ అవుతుందా లేదా అనేది మరో వారం రోజుల్లో క్లారిటీ రాబోతుంది.నందమూరి కళ్యాణ్ రామ్ నటించిన అమిగోస్ సినిమా వచ్చే వారం ప్రేక్షకులు ముందుకు రాబోతున్నట్లుగా ఇప్పటికే అధికారికంగా ప్రకటన వచ్చింది.
సినిమా కు సంబంధించిన పోస్టర్స్ మరియు టీజర్స్ సినిమా పై ఫ్యాన్స్ లో అంచనాలు పెంచాయి.అంతే కాకుండా సినిమాలో నందమూరి బాలకృష్ణ యొక్క సూపర్ హిట్ మెలోడీ ఎన్నో రాత్రులు వస్తాయి కానీ పాటను రీమిక్స్ చేయడం జరిగింది.దాంతో కూడా సినిమా కి మంచి పబ్లిసిటీ దక్కింది.ఇక ప్రధానంగా ఈ సినిమా లో నందమూరి కళ్యాణ్ రామ్ మూడు విభిన్నమైన పాత్రల్లో కనిపించబోతున్నాడు.
ఈ మధ్య కాలం లో యంగ్ హీరోలు కనీసం డబల్ రోల్ పాత్రలను కూడా చేసేందుకు ధైర్యం చేయడం లేదు.అలాంటిది నందమూరి కళ్యాణ్ రామ్ ఏకంగా మూడు భిన్నమైన పాత్ర లో కనిపించబోతున్నాడు అనే విషయం నందమూరి అభిమానుల్లో ఆసక్తిని రేకెత్తిస్తోంది.
కానీ ఈ విషయం ప్రేక్షకులను సినిమా వైపు ముగ్గు చూపే విధంగా ప్రేరేపించడం లేదు.
చిత్ర యూనిట్ సభ్యులు సినిమా లో నందమూరి కళ్యాణ్ రామ్ మూడు విభిన్నమైన పాత్ర లో కనిపించబోతున్నాడు అంటూ ప్రధానంగా పబ్లిసిటీ చేస్తే బాగుండేది.ఆ దిశగా పబ్లిసిటీ చేయడం లేదు.సినిమా లో కళ్యాణ్ రామ్ నట విశ్వరూపం చూపించాడని, చిత్ర యూనిట్ సభ్యులు చాలా నమ్మకంగా చెబుతున్నారు.
అదే విషయాన్ని ప్రేక్షకులకు నమ్మకం కలిగించే విధంగా ప్రమోషన్ కార్యక్రమాల ద్వారా చెప్పలేక పోతున్నారు.సినిమా విడుదలకు వారం రోజుల సమయం ఉంది అయినా ఇప్పటి వరకు సాధారణ జనాలకు అమిగోస్ సినిమా చేరువ కాలేదు.
టైటిల్ చూస్తేనే కాస్త విభిన్నంగా ఉంది.దాంతో ప్రేక్షకులు పెదవి విరుస్తున్నారు.కనీసం సినిమా విడుదలైన తర్వాత అయినా పాజిటివ్ టాక్ దక్కించుకొని మౌత్ టాక్ తో జనాల్లోకి అమిగోస్ సినిమా వెళ్తుందేమో చూడాలి.