సింగపూర్: ఏడాదిన్నరగా వసతి గృహాలలోనే.. వలస కార్మికులపై ఆంక్షల ఎత్తివేత

వచ్చే సోమవారం నుంచి ప్రయోగాత్మకంగా ఆంక్షల ఎత్తివేత కార్యక్రమాన్ని ప్రారంభించనున్నారు అధికారులు.మొదట దక్షిణాసియా వాసులు పెద్ద సంఖ్యలో స్థిరపడిన లిటిల్ ఇండియాలో ఈ కార్యక్రమాన్ని అమలు చేయనున్నారు.ఈ ప్రాంతంలోని వసతి గృహాలలో నివసిస్తున్న .భారతీయులు సహా ఇతర వలస కార్మికులు వారాంతాలలో భారత సంతతికి చెందిన దుకాణ సముదాయాలకు వెళ్లేందుకు అనుమతి ఇవ్వాలని ప్రభుత్వం నిర్ణయించినట్లుగా తెలుస్తోంది.అయితే సందర్శనకు ముందు.మూడు రోజుల తర్వాత కార్మికులు యాంటిజెన్ రాపిడ్ టెస్ట్ చేయించుకోవాల్సి వుంటుంది.టీకాలు వేయించుకోని కార్మికులు జాగ్రత్తలు, అదనపు పరీక్షలు చేయించుకోవాలని సింగపూర్ మానవ శక్తి మంత్రి తెలిపారు.

వసతి గృహాలలో పెద్ద సంఖ్యలో కరోనా కేసులు వెలుగు చూడటంతో గతేడాది ఏప్రిల్‌లోని దేశంలోని అన్ని డార్మిటరీలపై సింగపూర్ ప్రభుత్వం ఆంక్షలు విధించింది.

అదే సమయంలో వలస కార్మికులు కోవిడ్ బారినపడుతుండటంతో ఆయా ప్రాంతాలను ప్రభుత్వం క్లస్టర్లుగా గుర్తించింది.ఆంక్షల ఎత్తివేత సందర్భంగా తొలుత ప్రతి వారం ‘Safe Living Measures’తో పాటు రెండు వారాల నుంచి కోవిడ్ కేసులు నమోదు కానీ డార్మిటరీలకు చెందిన వలస కార్మికులను ఆరు గంటల పాటు ఆయా ప్రదేశాలను సందర్శించేందుకు అనుమతించనున్నారు.