ఉత్తరప్రదేశ్‌లోని( Uttar Pradesh ) బరేలీ జిల్లాలో ఓ ఆశ్చర్యకరమైన ఘటన వెలుగులోకి వచ్చింది.పెళ్లి వేదికపై వధువు కోసం ఉంచిన వరమాలను.
పెళ్లి కొడుకు తన స్నేహితుడి మెడలో వేసేశాడు.మద్యం మత్తులో చేసిన ఈ తప్పుడు చర్య వధువును ఆగ్రహానికి గురిచేసింది.
దీంతో, ఆమె వెంటనే పెళ్లిని రద్దు చేసుకుంది.ఈ ఘటన బరేలీ జిల్లా కయోల్దియా( Kaoldia ) ప్రాంతంలోని కయోల్దియా పోలీస్ స్టేషన్ పరిధిలో చోటుచేసుకుంది.
పెళ్లి బారాత్ పిలిభిత్ జిల్లా బర్కెడా గ్రామం నుంచి బరేలీకి వచ్చింది.పెళ్లి వేడుకల సమయంలో వధువు, వరుడు వేదికపైకి చేరుకోగా.
వధువు, వరుడి మెడలో వరమాల వేసింది.అయితే, మద్యం మత్తులో ఉన్న వరుడు, తను కూడా వధువు మెడలో వేయాల్సిన వరమాలను పొరపాటున తన స్నేహితుడి మెడలో వేసేశాడు.
ఈ సంఘటన చూసిన వధువు తీవ్ర ఆగ్రహంతో పెళ్లిని తక్షణమే రద్దు చేసింది.కాగా వధువు కుటుంబ సభ్యులు ఆమెను పెళ్లి చేసుకోవాలని ఒప్పించే ప్రయత్నం చేశారు.అయితే, ఆమె తన నిర్ణయాన్ని మార్చుకోకుండా.పెళ్లిని పూర్తిగా రద్దు చేసుకుంది.అనంతరం, వధువు తండ్రి ఫిర్యాదు మేరకు వరుడు, అతని కుటుంబ సభ్యులపై కేసు నమోదు చేయడం జరిగింది.ఈ కేసులో వరుడు, అతని కుటుంబంపై కట్న వేధింపు, బహిరంగంగా అవమానించడం లాంటి నేరాలతో చట్టపరమైన చర్యలు తీసుకున్నారు.
పోలీసులు ఈ ఘటనపై స్పందించి, వరుడుతో సహా ఐదుగురు కుటుంబ సభ్యులకు శిక్ష విధించారు.వారిలో వరుడు, అతని తండ్రి, ముగ్గురు కుటుంబ సభ్యులు ఉన్నారు.శాంతి భద్రతల పరంగా పోలీసు కేసు నమోదు చేయడంతో పాటు, తదుపరి విచారణను కూడా ప్రారంభించారు.ఈ ఘటనపై కయోల్దియా పోలీస్ స్టేషన్ అధికారి స్పందిస్తూ, బరేలీలో జరిగిన ఈ ఘటనకు సంబంధించి, బాధితుల ఫిర్యాదు ఆధారంగా కేసు నమోదు చేశామని, శాంతి భద్రతల పరంగా అవసరమైన జాగ్రత్తలు తీసుకుని, నిందితులపై చర్యలు చేపట్టాం అని తెలిపారు.
ఈ ఘటన ప్రస్తుతం సోషల్ మీడియాలో వైరల్ అవుతోంది.వరుడి తప్పుడు చర్య, వధువు తీసుకున్న ధైర్యమైన నిర్ణయం నెటిజన్లను ఆశ్చర్యానికి గురిచేస్తోంది.
