ఇండస్ట్రీ ఏది అయినా హీరోయిన్స్ విషయంలో మేకర్స్ ఒకే విధానంను ఫాలో అవుతున్నారు.సినిమాకు గ్లామర్ అద్దేందుకు హీరోకు లవర్ లేదా భార్యగా మాత్రమే హీరోయిన్స్ను ఎంపిక చేస్తున్నారు.
ఇండియన్ సినిమాల్లో దాదాపుగా 85 శాతం సినిమాల్లో హీరోయిన్స్కు పెద్దగా ప్రాముఖ్యత ఉండదు.కొందరు హీరోయిన్స్ అసలు కథతో సంబంధం లేకుండానే సినిమాల్లో కనిపిస్తూ ఉంటారు.
సరిలేరు నీకెవ్వరు సినిమాలో మెయిన్ స్ట్రీమ్ కథతో సంబంధం లేకుండానే హీరోయిన్ రష్మిక పాత్ర ఉంటుంది.
అలాంటి హీరోయిన్స్ తాము గొప్ప పాత్రలు చేస్తాము, మీకు నచ్చిన పాత్రలు చేస్తామంటూ అభిమానులతో చెప్పడం ఎలా ఉంటుంది ఒకసారి ఆలోచించండి.
తాజాగా రష్మిక మందన్న సోషల్ మీడియాలో పోస్ట్ చేసిన ట్వీట్ అందరి దృష్టిని ఆకర్షించడంతో పాటు కొందరికి నవ్వు కూడా తెప్పిస్తుంది.మీరు నన్ను ఎలాంటి పాత్రల్లో చూడాలనుకుంటున్నారు.
మీకు నచ్చిన పాత్రల్లో నటించేందుకు ట్రై చేస్తాను మీరు నాకు ఆ పాత్ర ఏంటీ తెలియజేయండి అంటూ రష్మిక ట్వీట్ చేసింది.
![Telugu Rashmika Fans, Rashmika Role, Tollywood, Tweets- Telugu Rashmika Fans, Rashmika Role, Tollywood, Tweets-](https://telugustop.com/wp-content/uploads/2020/06/Rashmika-tweets.jpg)
రష్మిక ట్వీట్తో ఆమె అభిమానులు వందల సంఖ్యలో ఆమెను ఎలా చూడాలనుకుంటున్నారో కామెంట్ చేశారు.కాని అందులో ఏ ఒక్క పాత్రను అయినా రష్మిక చేయగలదా అంటే అనుమానమే.ఎందుకంటే సినిమాల ఎంపిక ఆమె ఛాన్స్ అయినా కథల ఎంపిక మాత్రం ఆమెకు ఛాన్స్ లేదు.
కథ నచ్చితేనే లేదంటే ఆ పాత్ర అయితేనే చేస్తాను అనే హీరోయిన్స్కు ఇండస్ట్రీలో ఎక్కువ కాలం ఛాన్స్ ఉండదు.కనుక రష్మిక కూడా పాత్రల కోసం డిమాండ్ చేసే అవకాశం లేదు.
ఆ కారణంగానే ఫ్యాన్స్ అడిగిన ఏ ఒక్క పాత్ర కూడా ఆమె చేసే అవకాశం లేదని విశ్లేషకులు అభిప్రాయం వ్యక్తం చేస్తున్నారు.అన్ని సినిమాల్లో కూడా గ్లామర్ డాల్గా మాత్రమే ఆమె కనిపించే అవకాశం ఉందని నెటిజన్స్ అంటున్నారు.
అందుకే రష్మిక మరీ ఓవర్ చేయకుండా డ్రీమ్స్ లో నుండి బయటకు వచ్చి వచ్చిన ఆఫర్లు దక్కించుకుని అందాలతో ఎంటర్టైన్ చేయమంటూ కొందరు అభిమానులు సూచిస్తున్నారు.