తగ్గేదేలే అనే ఒకే ఒక్క డైలాగ్ తో అల్లు అర్జున్, సుకుమార్ పుష్ప సినిమాపై అంచనాలను పెంచేశారు.మాస్ ప్రేక్షకుల్లో భారీగా ఫ్యాన్ ఫాలోయింగ్ ఉన్న అల్లు అర్జున్ పుష్ప ది రైజ్ తో ఆ ఫాలోయింగ్ ను మరింత పెంచుకున్నారు.
ఏపీ మినహా మిగిలిన అన్ని ప్రాంతాల్లో పుష్ప ది రైజ్ భారీగా లాభాలను సొంతం చేసుకుంది.ఈ సినిమా ద్వారా నష్టపోయిన బయ్యర్లను సైతం మైత్రీ మూవీ మేకర్స్ నిర్మాతలు ఆదుకుంటున్నారని తెలుస్తోంది.
మరోవైపు నిన్న రాత్రి నుంచి ప్రముఖ ఓటీటీలలో ఒకటైన అమెజాన్ ప్రైమ్ లో తెలుగు, తమిళం, కన్నడ, మలయాళం భాషల్లో పుష్ప సినిమా స్ట్రీమింగ్ అవుతోంది.ఇప్పటికే థియేటర్లలో పుష్ప సినిమాను చూసిన ప్రేక్షకులు సైతం ఓటీటీలో మళ్లీ పుష్ప సినిమాను చూస్తున్నారు.
అమెజాన్ ప్రైమ్ ఈ సినిమా అన్ని భాషల హక్కుల కోసం ఏకంగా 27 కోట్ల రూపాయల నుంచి 30 కోట్ల రూపాయల వరకు ఖర్చు చేసిందని తెలుస్తోంది.
అయితే పుష్ప సినిమా విడుదలైన సమయంలో ఈ సినిమాలోని ఒక సన్నివేశం గురించి ఫ్యామిలీ ఆడియన్స్ నుంచి అభ్యంతరం వ్యక్తమైంది.
సుకుమార్ సినిమా నుంచి ఇలాంటి సీన్ ను ఊహించలేదని ఆడియన్స్ కామెంట్లు చేశారు.అల్లు అర్జున్ రష్మిక భుజంపై చెయ్యి వేసే సీన్ అశ్లీలంగా ఉందని కామెంట్లు వ్యక్తం కావడంతో థియేటర్లలో ఆ సీన్ ను కట్ చేశారు.అయితే అమెజాన్ ప్రైమ్ లో మాత్రం ఈ సీన్ ఉండటం గమనార్హం.
ఈ సీన్ వల్ల బన్నీ, రష్మిక, సుకుమార్ లపై ప్రేక్షకుల నుంచి నెగిటివ్ కామెంట్లు వచ్చే ఛాన్స్ ఉంది.ప్రైమ్ లో కూడా ఈ సీన్ ను తొలగిస్తే బాగుంటుందని బన్నీ ఫ్యాన్స్ భావిస్తున్నారు.పుష్ప మేకర్స్ ఈ దిశగా చర్యలు చేపడతారో లేదో చూడాలి.