స్వార్థపూరిత ధరలకు కళ్లెం వేసేందుకు వీసా, కాన్సులర్ సేవలలో భారీ మార్పులు!

విదేశాల్లో నివసిస్తున్న భారతీయులతో పాటు భారతదేశాన్ని సందర్శించే విదేశీయులు వీసా, కాన్సులర్ సర్వీసుల( Visa ,consular services ) కోసం ఒక్కోసారి తక్కువ, మరోసారి ఎక్కువ డబ్బులను వెచ్చించాల్సి వస్తోంది.

ఈ సేవలను అందించే కంపెనీలు సొంత వృద్ధి కోసం స్వార్థపూరితమైన ధరలు వసూలు చేయడమే దీనికి కారణం.

అయితే ఈ సమస్యను గుర్తించిన విదేశీ వ్యవహారాల మంత్రిత్వ శాఖ( Ministry of External Affairs ) (MEA) వీసా, కాన్సులర్ సేవలను అందించే కంపెనీల సెలక్షన్ నిబంధనలను కఠినతరం చేసింది.సాధారణంగా కొన్ని కంపెనీలు సేవలకు చాలా తక్కువ ధరలను వసూలు చేయడం ద్వారా కస్టమర్లను తమ వైపు తిప్పుకుంటాయి.

మార్కెట్లో నంబర్ వన్ అయిన తర్వాత ధరలను భారీగా వసూలు చేస్తాయి.దీనినే బిజినెస్ పరిభాషలో ప్రిడేటరీ ప్రైసింగ్ అంటారు.