గత నెలలో న్యూయార్క్‌లోని బ్రూక్లిన్ సబ్‌వేలో చోటు చేసుకున్న కాల్పుల ఘటనను మరిచిపోకముందే అమెరికాలో మరోసారి ఉన్మాదులు రెచ్చిపోయారు.న్యూయార్క్‌లోని టాప్స్ ఫ్రెండ్లీ సూపర్ మార్కెట్‌లో గుర్తు తెలియని దుండగుడు కాల్పులకు తెగబడ్డాడు.
ఈ ఘటనలో పది మంది మరణించగా.మరో ముగ్గురు తీవ్రంగా గాయపడ్డారు.
ఓ యువకుడు సైనికుడిలా లోపలికి ప్రవేశించి మారణహోమం సృష్టించాడు.మరణించిన వారిలో 8 మంది నల్లజాతీయులు, ఇద్దరు శ్వేతజాతీయులు వున్నట్లు పోలీస్ అధికారి జోసెఫ్ గ్రామగ్లియా వెల్లడించారు.
జాతి విద్వేషమే ఈ ఘటనకు కారణంగా పోలీసులు అనుమానిస్తున్నారు.ఈ దారుణంపై అమెరికా అధ్యక్షుడు జో బైడెన్ సహా పలువురు ప్రముఖులు దిగ్బ్రాంతి వ్యక్తం చేశారు.ఈ సూపర్ మార్కెట్‌ బఫెలో డౌన్‌టౌన్‌లో ఉత్తరాన దాదాపు 3 మైళ్ల దూరంలో నల్లజాతీయులు ఎక్కువగా వుండే ప్రాంతంలో వుంది.ఘటనకు కారణమైన నిందితుడిని పోలీసులు అరెస్ట్ చేసినట్లు ప్రకటించారు.
దీనిపై టాప్స్ ఫ్రెండ్లీ మార్కెట్స్ ఒక ప్రకటనను విడుదల చేసింది.ఈ హింసాత్మక చర్యకు తాము షాక్‌కు గురయ్యామని.
ఈ విపత్కర పరిస్థితుల్లో బాధితులకు అండగా వుంటామని తెలిపింది.ఈ ఘటనపై న్యూయార్క్ గవర్నర్ క్యాథీ హోచుల్ దిగ్భ్రాంతి వ్యక్తం చేశారు.
తన స్వగ్రామమైన బఫెలోలోని కిరాణా స్టోర్‌లో జరిగిన ఈ కాల్పులను నిశితంగా పరిశీలిస్తున్నట్లు ట్వీట్ చేశారు.రాష్ట్ర అధికారులు.
స్థానిక అధికారులకు సహాయం చేస్తున్నారని తెలిపింది.
కాగా.
కొలరాడో రాష్ట్రం బౌల్డర్‌లోని కింగ్ సూపర్స్ కిరాణా దుకాణంలో మార్చి 2021లో జరిగిన ఘటనలో పది మంది మరణించిన తర్వాత ఈ స్థాయిలో మరణాలు చోటు చేసుకోవడం ఇదే తొలిసారి.నాటి దాడిలో అభియోగాలు ఎదుర్కొంటున్న వ్యక్తి సూపర్ మార్కెట్‌ను ఎందుకు లక్ష్యంగా చేసుకున్నాడనే దానిపై దర్యాప్తు అధికారులు నేటి వరకు ఎలాంటి ప్రకటన చేయలేదు.
