బకింగ్‌హామ్‌షైర్‌లోని ఎయిల్స్‌బరీకి(Aylesbury, Buckinghamshire) చెందిన 32 ఏళ్ల హ్యారీ సీగర్ జీవితంలో ఒక విచిత్రమైన సంఘటన చోటు చేసుకుంది.హ్యారీ బిర్మింగ్‌హామ్‌లోని ఒక కార్‌షోకు వెళ్లినప్పుడు ఒక మార్స్ చాక్లెట్ బార్‌ను ఇష్టపడ్డారు.
ఆక్స్‌ఫర్డ్‌షైర్‌లోని ఒక సర్వీస్ స్టేషన్‌లో ఆయన ఆ చాక్లెట్ బార్‌ను కొనుగోలు చేశారు.మార్స్ చాక్లెట్ బార్స్‌పై(Mars chocolate bar) ఒక అందమైన డిజైన్ లాగా గీతలు ఉంటాయి.
కానీ హ్యారీ కొన్న ఈ చాక్లెట్ బార్( chocolate bar) అలాంటి గీతలు ఏమీ లేవుకుండా ప్లేన్ గా ఉండటం ఆయనను ఆశ్చర్యపరిచింది.ఈ విషయం కంపెనీకి తెలియజేయగా, ఆయనకు నష్టపరిహారంగా £2 (రూ.215) విలువైన వౌచర్‌ను అందించారు.
ఆ చాక్లెట్ బార్ ఎలా ఉందో చూడాలని, హ్యారీ సీగర్ ఆ ఫోటోను ఫేస్‌బుక్ గ్రూప్‌లో పోస్ట్ చేసి, మార్స్ వ్రిగ్లీ యూకే (Mars Wrigley UK)సంస్థను సంప్రదించారు.ఈ ప్లయిన్ చాక్లెట్ బార్ కొత్త డిజైన్‌లో భాగమా లేక తయారీలో జరిగిన తప్పు అనేది ఆయనకు తెలుసుకోవాలని అనుకున్నారు.మార్స్ వ్రిగ్లీ సంస్థ ఈ సంఘటనకు క్షమాపణ చెప్పింది.
ఇది ఉద్దేశపూర్వకంగా జరగలేదని నిర్ధారించింది.అంతేకాకుండా సీగర్‌కు రెండు మార్స్ బార్లు కొనుగోలు చేయడానికి సరిపోయే £2 విలువైన వౌచర్‌ను పంపారు.
వారి సమాధానంలో, “మీ అనుభవం గురించి తెలిసి మేం బాగా చింతిస్తున్నాం.మీ అభిప్రాయాన్ని మా క్వాలిటీ టీమ్‌తో పంచుకుంటాం.దయచేసి భవిష్యత్తులో కొనుగోలు చేయడానికి ఈ £2 వౌచర్‌ను అంగీకరించండి.” అని రాశారు.
అయితే, సీగర్‌కు ఆ చాక్లెట్ బార్‌లో గీతలు లేకపోవడానికి కారణం తెలుసుకోవడం ముఖ్యంగా ఉంది.బీబీసీతో(BBC) మాట్లాడుతూ, కంపెనీ ఆయన ప్రశ్నకు సమాధానం ఇవ్వడానికి నిరాకరించిందని అన్నారు.“దీనికి కారణం ఏమిటో తెలుసుకోవడానికి నేను వారిని సంప్రదించాను.వారు వివరించలేదు” అని ఆయన చెప్పారు.అయినప్పటికీ, సీగర్ ఈ సంఘటనను తేలికగా తీసుకున్నారు.“£2 అంటే చాలా బాగుంది.దీనితో రెండు మార్స్ బార్లు ఫ్రీగా వస్తాయి! వారు కొంచెం ఎక్కువ పంపించి ఉండవచ్చు, కానీ నేను బాధపడటం లేదు.ఒక చాక్లెట్ బార్ కోసం ఇది చాలా సాహసం” అని ఆయన జోడించారు.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
