రెండు తెలుగు రాష్ట్రాల్లో రిలీజైన రోజే ఆచార్య సినిమా ఆశించిన స్థాయిలో కలెక్షన్లను సొంతం చేసుకోలేదనే సంగతి తెలిసిందే.శనివారం నాటికి ఈ సినిమా కలెక్షన్లు మరింత తగ్గాయి.
అయితే ఆచార్య సినిమాకు భారీ ఝలక్ తగిలినట్లు తెలుస్తోంది.సోమవారం నుంచి తెలుగు రాష్ట్రాల్లో ఈ సినిమాకు స్క్రీన్లు తగ్గనున్నాయని ఈ సినిమా థియేటర్లలో కేజీఎఫ్2 సినిమాను ప్రదర్శించనున్నారని సమాచారం అందుతోంది.
ఆచార్యకు ఇది ఒక విధంగా షాకేనని చెప్పాలి.వీకెండ్ లోనే ఆచార్య సినిమా కలెక్షన్లు ఆశించిన స్థాయిలో లేకపోవడంతో మేకర్స్ ఈ నిర్ణయం తీసుకున్నారని సమాచారం అందుతోంది.
ఆచార్య రెండో రోజు కలెక్షన్లు ఆశించిన స్థాయిలో లేవని తెలుస్తోంది.వాస్తవానికి తెలుగు రాష్ట్రాల్లో ఆర్ఆర్ఆర్, కేజీఎఫ్2 సినిమాల హవా కూడా తగ్గింది.అయినప్పటికీ ఆచార్య థియేటర్లలో ఈ సినిమాలను ప్రదర్శించాలని మేకర్స్ భావిస్తున్నట్టు బోగట్టా.
![Telugu Acharya, Chiranjeevi, Kajal Aggarwal, Kgf, Koratala Siva, Ram Charan-Movi Telugu Acharya, Chiranjeevi, Kajal Aggarwal, Kgf, Koratala Siva, Ram Charan-Movi](https://telugustop.com/wp-content/uploads/2022/05/huge-shock-to-acharya-movie-makers.jpg)
మరోవైపు ఆచార్య ఫ్లాప్ పై మేకర్స్ నుంచి ఎలాంటి రియాక్షన్ వస్తుందో చూడాల్సి ఉంది.ఆచార్య ఫ్లాప్ కు సంబంధించి మెగా అభిమానులు మాత్రం కొరటాల శివను నిందిస్తున్నారు. కొరటాల శివ కథ విషయంలో అశ్రద్ధ చేయకుండా ఉండి ఉంటే ఫలితం ఈ విధంగా ఉండేది కాదని వాళ్లు చెబుతున్నారు.
ఆచార్య ప్రభావం కొరటాల భవిష్యత్తు సినిమాల బిజినెస్ లపై కూడా పడే అవకాశాలు ఉన్నాయి.
చిరంజీవి, చరణ్ తర్వాత ప్రాజెక్ట్ లతో సక్సెస్ లను అందుకుంటే మాత్రం ఏ సమస్య ఉండదని కామెంట్లు వ్యక్తమవుతున్నాయి.
కథల జడ్జిమెంట్ విషయంలో ఎంతో అనుభవం ఉన్న చిరంజీవి ఆచార్య లాంటి రొటీన్ కథకు ఏ విధంగా ఓకే చెప్పారో అర్థం కావడం లేదు.ఆచార్య ఫ్లాప్ నుంచి కాజల్ తప్పించుకోవడంతో ఆమె ఫ్యాన్స్ మాత్రం సంతోషిస్తున్నారు.
ఆచార్య మూవీ నష్టాలు కూడా భారీగానే ఉండబోతున్నాయని సమాచారం.