మాస్ రాజా రవితేజ తాజాగా నటించిన డిస్కో రాజా చిత్రం ఇటీవల రిలీజ్ అయ్యి మిక్సిడ్ టాక్‌ను సొంతం చేసుకుంది.ఈ సినిమా సైన్స్ ఫిక్షన్ మూవీగా తెరకెక్కడంతో ప్రేక్షకుల్లో మంచి అంచనాలు ఏర్పడ్డాయి.
కానీ సినిమాలో అంత మ్యాటర్ లేకపోవడంతో ఈ సినిమా చూసేందుకు ప్రేక్షకులు ఆసక్తి చూపించలేదు.దీంతో కలెక్షన్ల పరంగా డిస్కో రాజా చిత్రం నిరాశ పరిచిందనే చెప్పాలి.
ఇక రవితేజ తన నెక్ట్స్ మూవీ క్రాక్‌పై ఫుల్ ఫోకస్ పెట్టాడు.
గోపీచంద్ మలినేని డైరెక్షన్‌లో తెరకెక్కుతున్న ఈ సినిమాలో రవితేజ పవర్‌ఫుల్ పోలీస్ ఆఫీసర్ పాత్రలో కనిపిస్తాడు.
ఈ సినిమా తరువాత రవితేజ తన నెక్ట్స్ మూవీని కూడా ఓకే చేసినట్లు తెలుస్తోంది.మాస్‌రాజాకు వీర వంటి సినిమాను అందించిన రమేష్ వర్మ డైరెక్షన్‌లో రవితేజ ఈ సినిమా చేయనున్నట్లు తెలుస్తోంది.
ఈ సినిమాలో రవితేజ డ్యుయెల్ రోల్‌లో నటిస్తున్నట్లు చిత్ర యూనిట్ తెలిపింది.
ఈ సినిమా షూటింగ్‌ను వేసవిలో ప్రారంభించేందుకు చిత్ర యూనిట్ రెడీ అయ్యింది.
ఇక ఈ సినిమాను కోనేరు సత్యనారాయణ నిర్మిస్తున్నాడు.ఈ సినిమాకు సంబంధించిన పూర్తి వివరాలు తెలియాల్సి ఉంది.
అటు క్రాక్ సినిమాను వేసవి కానుకగా రిలీజ్ చేసేందుకు రవితేజ రెడీ అవుతున్నాడు.
