ఆసియా కప్( Asia Cup ) లో భాగంగా సెప్టెంబర్ 2న భారత్-పాకిస్తాన్ మధ్య జరిగే మ్యాచ్ కోసం క్రికెట్ అభిమానులు ఎంతగానో ఎదురు చూస్తున్న సంగతి మన అందరికీ తెలిసిందే.ఆసియా కప్ ఆడే భారత జట్టులో కేఎల్ రాహుల్ తొలి రెండు మ్యాచ్లకు అందుబాటులో ఉండడని బీసీసీఐ వెల్లడించిన సంగతి తెలిసిందే.
అయితే ఆసియా కప్ లో పాల్గొనే భారత జట్టు బ్యాటింగ్ ఆర్డర్ పై మాజీ క్రికెటర్ ఆకాష్ చోప్రా( Aakash Chopra ) ట్విట్టర్ వేదికగా ఐదు ప్రశ్నలను సంధించాడు.ప్రస్తుతం ఈ ప్రశ్నలు సోషల్ మీడియా వేదికగా పెద్ద చర్చకే దారితీస్తున్నాయి.
![Telugu Aakash Chopra, Asia Cup, India, Latest Telugu, Pakistan, Virat Kohli-Spor Telugu Aakash Chopra, Asia Cup, India, Latest Telugu, Pakistan, Virat Kohli-Spor](https://telugustop.com/wp-content/uploads/2023/08/India-Pakistan-sports-news-Asia-Cup-rohit-sharma.jpg)
తొలి పోరులో నాలుగో స్థానంలో ఎవరు బ్యాటింగ్ కు వస్తారనే దానిపై ఓ స్పష్టతకు రావలసిన అవసరం ఉందని వ్యాఖ్యానించాడు.కేఎల్ రాహుల్ తొలి రెండు మ్యాచ్లకు దూరం అవుతున్న సందర్భంగా ఈ ఐదు ప్రశ్నలను ఆకాష్ చోప్రా సంధించడం జరిగింది.ఆ ప్రశ్నలు ఏమిటో చూద్దాం.
![Telugu Aakash Chopra, Asia Cup, India, Latest Telugu, Pakistan, Virat Kohli-Spor Telugu Aakash Chopra, Asia Cup, India, Latest Telugu, Pakistan, Virat Kohli-Spor](https://telugustop.com/wp-content/uploads/2023/08/Asia-Cup-Aakash-Chopra-India-Virat-Kohli-Pakistan-sport.jpg)
ఇషాన్ కిషన్ ఇన్నింగ్స్ ను ప్రారంభిస్తాడా.? అలా అయితే శుబ్ మన్ గిల్ ఏ స్థానంలో బ్యాటింగ్ కు వస్తాడు.? 1-2-3 స్థానాల్లో రోహిత్ శర్మ, శుబ్ మన్ గిల్, ఇషాన్ కిషన్ వస్తే.కోహ్లీ( Virat Kohli ) నాలుగో స్థానంలో వస్తాడా.? ఆలా కాకుండా రోహిత్ శర్మ- గిల్ ఓపెనర్లుగా వస్తే.విరాట్ కోహ్లీ మూడవ స్థానంలో, ఇషాన్ కిషన్ ఐదో స్థానంలో వస్తారా.? ఒకవేళ గిల్ బెంచ్ కే పరిమితమైతే తిలక్ వర్మ/సూర్య కుమార్ యాదవ్ లలో ఒకరు ఐదో స్థానంలో బ్యాటింగ్ కు వస్తారా.? ఈ ప్రశ్నలను మాజీ క్రికెటర్ ఆకాష్ చోప్రా ట్విట్టర్ వేదికగా పోస్ట్ చేయడంతో క్రికెట్ అభిమానులు స్పందిస్తున్నారు.కొందరు బీసీసీఐని తప్పు బడితే, మరికొందరు తిలక్ వర్మకు అవకాశం ఇవ్వాలని కామెంట్ చేస్తున్నారు.
ఇంకొందరు సూర్య కుమార్ యాదవ్ తప్పకుండా కీలక పాత్ర పోషిస్తాడని కామెంట్లు చేస్తున్నారు.