ఇంటర్నెట్‌లో వైరల్ అవుతున్న ఒక షాకింగ్ వీడియో నెటిజన్ల హార్ట్ బీట్ పెంచేస్తోంది.ఈ వీడియోలో ఒక రెండేళ్ల పాప ఐదవ అంతస్తు ఫ్లాట్ నుంచి పడిపోయింది.
అయితే ఈ బాలిక నేలను తాకకుండా సురక్షితంగా క్యాచ్ పట్టాడో బాటసారుడు.ఈ రెండేళ్ల పాపను క్యాచ్ పట్టుకున్న ఆ హీరో వీడియోని చూసి అందరూ తెగ ప్రశంసిస్తున్నారు.
చైనా ప్రభుత్వ అధికారి లిజియాన్ జావో ట్విట్టర్ లో ఈ వీడియోను షేర్ చేస్తూ “మన మధ్య ఉన్న హీరోలు” అనే క్యాప్షన్‌తో జతచేశారు.
వివరాల్లోకి వెళితే.
చైనాలోని జెజియాంగ్ ప్రావిన్స్‌లోని టోంగ్‌క్సియాంగ్‌లో 5వ అంతస్తుకి వేలాడుతూ ఒక చిన్నారి కనిపించింది.అయితే దీనిని మొదటగా ఎవరూ గుర్తించలేదు.
ఈ క్రమంలోనే షెన్ డాంగ్ అనే వ్యక్తి అదే ప్రాంతంలో తన కారును పార్క్ చేస్తున్నప్పుడు పెద్ద చప్పుడు వినిపించింది.దాంతో అతను చుట్టుపక్కలంతా చూసేసరికి భవనంపై నుంచి రెండేళ్ల చిన్నారి పడిపోవడాన్ని గుర్తించాడు.
అలా చూస్తుండగానే ఆ బాలిక మొదటి అంతస్తు పైఅంచుకు దొర్లింది.ఈ దృశ్యాన్ని చూసి షాక్ అయిన ఆ వ్యక్తి తక్షణమే భవనం వైపు పరిగెత్తాడు.
కాంక్రీట్‌ నెలపై పడే ముందు అద్భుతంగా చిన్నారిని పట్టుకున్నాడు.షెన్ డాంగ్ సకాలంలో స్పందించడం వల్ల పేవ్‌మెంట్‌ను తాకకుండా ఆ పాప బతికిపోయింది.బాలిక కాళ్లు, ఊపిరితిత్తులకు గాయాలైనట్లు తెలుస్తోంది.ఆమె ఆరోగ్యం ఇప్పుడు నిలకడగా ఉంది.ఇదే వీడియోలో షెన్ డాంగ్‌తో పాటు ఒక మహిళ కూడా ఆ చిన్నారిని పట్టుకోవడానికి ప్రయత్నిస్తున్నట్లు కనిపించింది.దాంతో “లెజెండరీ క్యాచ్! ఆ ఇద్దరికి మెడల్ ఇవ్వండి.” అని ఒకరు కామెంట్ పెట్టగా.“ఒక మనిషి జీవితాన్ని రక్షించడం అంటే మొత్తం మానవాళిని రక్షించడం” అని ఇంకా ఒకరు కామెంట్ పెట్టారు.
ఈ వీడియో పై మీరు కూడా ఓ లుక్కేయండి.
