పూరి జగన్నాథ్ తన తనయుడు ఆకాష్ ని హీరోగా నిలబెట్టడానికి అన్ని రకాల ప్రయత్నాలు చేస్తున్నాడు.తనని కమర్షియల్ హీరోగా టాలీవుడ్ లో ప్రోజక్ట్ చేయడానికి ఇప్పటికే మెహబూబా అనే సినిమాని తెరకెక్కించాడు.
అయితే ఈ సినిమా ఆశించిన స్థాయిలో ప్రేక్షకులకి రీచ్ కాలేదు.అయితే ఈ సారి కొడుకు కోసం లవ్ స్టొరీని సిద్ధం చేసి దానిని తన అసిస్టెంట్ అనిల్ చేతిలో పెట్టాడు.
రొమాంటిక్ టైటిల్ తో పూరి స్టైల్ లోనే ఈ సినిమా తెరకెక్కుతుంది.రొమాంటిక్ లవ్ ఎంటర్టైనర్ గా ఈ సినిమా తెరకెక్కుతుంది.
ఇక ఈ సినిమా నుంచి ఇప్పటికే హీరో, హీరోయిన్స్ రొమాంటిక్ పోస్టర్ ఒకటి రిలీజ్ చేశారు.సినిమా మెజారిటీ షూటింగ్ కూడా ఇప్పటికే కంప్లీట్ అయిపోయింది.
అన్ని అనుకూలంగా జరిగి ఉంటే ఇప్పటికే సినిమా థియేటర్ లో రిలీజ్ అయ్యేది.ఇదిలా ఉంటే ఈ సినిమా గురించి తాజాగా మరో ఆసక్తికర అప్డేట్ వినిపిస్తుంది.
ఈ సినిమాలో హీరో ఆకాష్ కి అత్త ఉంటుందని, అదే సినిమాలో నెగిటివ్ రోల్ అని చెప్పుకుంటున్నారు.ఇక ఈ అత్త పాత్ర కోసం వెటరన్ స్టార్ హీరోయిన్ సిమ్రాన్ ని పూరి టీం రంగంలోకి దించినట్లు సమాచారం.
సిమ్రాన్ ఈ చిత్రంలో హీరోయిన్ కేతిక శర్మకి తల్లిగా నటిస్తోంది.ఇక హీరో, అత్త పాత్రల మధ్య మంచి ఇంట్రెస్టింగ్ సన్నివేశాలు ఉంటాయాని కూడా చెప్పుకుంటున్నారు.ఇప్పటికే ఈ సినిమాలో ఆమెకి సంబందించిన సన్నివేశాల చిత్రీకరణ జరిగిందని, అయితే సిమ్రాన్ రోల్ గురించి సీక్రెట్ గా ఉంచాలని పూరి టీం భావించడంతో ఇన్ని రోజులు గోప్యంగా ఉంచినట్లు సమాచారం.ఇప్పటికే తమిళ సినిమాలో పవర్ ఫుల్ నెగిటివ్ రోల్ లో మెప్పించిన సిమ్రాన్ ఈ సినిమాలో ఏ స్థాయిలో కనిపిస్తుందో అనేది ఇప్పుడు ఆసక్తికరంగా మారింది.
