మాస్ రాజా రవితేజ గతకొంత కాలంగా సరైన హిట్లు లేక సతమతమవుతున్నాడు.రీసెంట్గా డిస్కో రాజా అనే సినిమాతో వచ్చిన రవితేజ మంచి విజయాన్ని అందుకుందామని అనుకున్నాడు.
కానీ సినిమాలోని కంటెంట్ ప్రేక్షకులకు పెద్దగా ఎక్కకపోవడంతో ఆ సినిమా డిజాస్టర్గా నిలిచింది.ఇక తన నెక్ట్స్ మూవీని ‘క్రాక్’ అనే మాస్ యాక్షన్ ఎంటర్టైనర్గా తెరకెక్కిస్తున్నాడు.
గోపీచంద్ మలినేని డైరెక్షన్లో వస్తున్న ఈ సినిమాలో రవితేజ పోలీస్ ఆఫీసర్ పాత్రలో నటిస్తు్న్నాడు.కాగా ఈ సినిమా రిలీజ్ కాకముందే తన నెక్ట్స్ మూవీని వీర మూవీ దర్శకుడు రమేష్ వర్మతో తీయాలని ఫిక్స్ అయ్యాడు.
ఇక ఈ సినిమా కోసం రవితేజ తీవ్రంగా కష్టపడుతున్నాడు.రోజుకు నాలుగు గంటలు జిమ్లో చెమటోడుస్తున్న రవితేజ, మరోసారి అదిరిపోయే లుక్లో ప్రేక్షకులను మెస్మరైజ్ చేయడం ఖాయమని తెలుస్తోంది.
ఈ సినిమాలో డ్యుయెల్ రోల్ చేస్తున్న రవితేజ ఓ పాత్రలో ఎన్నారైగా కనిపిస్తే, మరొకటి పూర్తి మాస్ పాత్ర అని తెలుస్తోంది.ఈ పాత్ర కోసమే రవితేజ కండలు పెంచుతున్నాడట.
ఇక ఈ సినిమాలో ఇస్మార్ట్ బ్యూటీ నిధి అగర్వాల్, మాళవిక శర్మ హీరోయిన్లుగా నటిస్తున్నారు.ఈ సినిమా షూటింగ్ను అతిత్వరలో పట్టాలెక్కించేందుకు చిత్ర యూనిట్ రెడీ అవుతోంది.