తెలుగు చిత్ర పరిశ్రమ ఈరోజు అనేక కొత్త సినిమాల విడుదలలతో చాలామంది ప్రేక్షకుల దృష్టిని ఆకర్షించింది.అయితే, వాటిలో బడా స్టార్స్ లేదా ప్రామిసింగ్ కథలు లేవు.
జయం రవి,( Jayam Ravi ) నయనతార జంటగా నటించిన సినిమా “గాడ్” కూడా ఈరోజే రిలీజ్ అయింది.ఇదొక్కటే చాలామంది దృష్టిని ఆకర్షిస్తోంది.
అయితే నయనతార లాంటి స్టార్ హీరోయిన్ ఉన్న ఈ సినిమా కథ బాగుంటుందా, అలరిస్తుందా? అని సగటు ప్రేక్షకుడు డౌట్ పడుతున్నాడు.ఎందుకంటే ఈ ముద్దుగుమ్మ ఈ సినిమా తీసినట్లు కూడా ఎవరికీ తెలియదు.
ప్రమోషన్స్ కూడా పెద్దగా జరగలేదు తమిళంలో ఈ మూవీ సెప్టెంబర్ నెలలోనే విడుదలైంది కానీ పెద్దగా హిట్ కాలేదు.
సౌత్ సినిమాల్లో నయనతార ( Nayanathara )తిరుగులేని రాణి.
ఆమెకు విపరీతమైన ఫ్యాన్ ఫాలోయింగ్ ఉంది.భారీ పారితోషికం అందుకుంటుంది.
ఏ సినిమాని అయినా తన భుజాలపై మోయగల ప్రతిభావంతురాలు కూడా.కానీ గాడ్ మూవీలో,( God movie ) ఆమె కేవలం స్పెషల్ ఎట్రాక్షన్ గా మారింది.
కథాంశంతో సంబంధం లేని హీరోకి లవర్ గా ఆమె నటిస్తుంది.ఆమె కొన్ని సన్నివేశాలు, పాటలలో కనిపిస్తుంది, ఆపై అదృశ్యమవుతుంది.
గాడ్ మూవీ నిర్మాతలు ఆమె పేరు, కీర్తిని ప్రేక్షకులను ఆకర్షించడానికి, పబ్లిసిటీని సృష్టించడానికి మాత్రమే ఉపయోగించినట్లు అనిపిస్తుంది.ఇది కొన్ని ప్రశ్నలను కూడా లేవనెత్తుతుంది.విలువ లేదా ప్రభావం లేని పాత్రలను నయనతార ఎందుకు అంగీకరిస్తుంది? ఆమె డబ్బు గురించి మాత్రమే శ్రద్ధ వహిస్తుందా, ఇమేజ్ లేదా కెరీర్ గురించి పెద్దగా పట్టింపులు లేవా? అలాంటి పాత్రలు తన ప్రతిష్టకు, పాపులారిటీకి హాని కలిగిస్తాయని ఆమెకు తెలియదా? వంటి ప్రశ్నలు ఈ సినిమా చూశాక ప్రతి ప్రేక్షకుడిలో తప్పకుండా కలుగుతాయి.ఎందుకంటే ఈ మూవీ అంత చెత్తగా ఉంది.
సాధారణంగా ఒక స్టార్ హీరో లేదా హీరోయిన్ నటించిందంటే, ఆ సినిమా బాగుంటుందనే అభిప్రాయంతో అభిమానులు ఉంటారు.ఎందుకంటే సదరు స్టార్ హీరో లేదా హీరోయిన్ మంచి కథలను మాత్రమే ఎంపిక చేసుకుంటారు>
నయనతార మాత్రం అందుకు విరుద్ధంగా నడుస్తూ పేరు చెడగొట్టుకుంటుంది.ఇక జయం రవి ( Jayam Ravi )తమిళ చిత్రసీమలో మంచి గుర్తింపు తెచ్చుకున్న నటుడు, తెలుగులో అంతగా పేరు తెచ్చుకోలేదు.గతంలో కొన్ని గుర్తుండిపోయే సినిమాలు చేసినా తెలుగు ప్రేక్షకులతో పెద్దగా అనుబంధం లేదు.
సీరియల్ కిల్లర్ కోసం వెతుకుతున్న గాడ్ చిత్రంలో అతను పోలీసు అధికారిగా నటించాడు.యాక్టింగ్ స్కిల్స్ పెద్దగా అవసరం లేని క్యారెక్టర్ ఇది.ఎలాంటి తేజస్సు లేకుండా తన పని తాను చేసుకుపోతాడు.గాడ్ కథ కూడా చాలా ప్రిడిక్టబుల్ గా, బోరింగ్గా ఉంది.
ఇంతకుముందు చాలా సార్లు చేసిన సాధారణ థ్రిల్లర్ ఇది.కథనంలో ఉత్కంఠను కలిగించడంలో దర్శకుడు విఫలమయ్యాడు.ఎలాంటి మలుపులు లేకుండా సినిమా రెండు గంటల పాటు సాగుతుంది.ప్రేక్షకులకు కొత్తదనం, ఆసక్తి కలిగించని సినిమా గాడ్.ఇది ప్రధాన నటుల ప్రతిభను, సామర్థ్యాన్ని వృధా చేసే సినిమా.నయనతార లేదా జయం రవి అభిమాని అయినా ఈ సినిమా కోసం మీ సమయం, డబ్బు ఖర్చు చేయకపోవడమే మంచిది.
ఇప్పటికే ఫ్యాన్స్ ఈ మూవీ చూసి “దయచేసి, ఇలాంటి సినిమాలు తీయొద్దు, నయన్” అంటూ కామెంట్లు పెడుతున్నారు.