నందమూరి నటసింహం లెజెండ్ బాలయ్య బాబుకి అభిమానుల్లో ఉన్న క్రేజ్ గురించి పెద్దగా చెప్పనవసరం లేదు.అయితే ఇటీవలే నందమూరి బాలకృష్ణ తన 60వ పుట్టిన రోజు వేడుకలను నిరాడంబరంగా హైదరాబాద్ నగరంలోని బసవతారకం ఆసుపత్రిలో పేషంట్ల మధ్యలో జరుపుకున్నాడు.
కాగా పలువురు సినీ సెలబ్రిటీలు మరియు ప్రముఖులు కూడా సోషల్ మీడియా మాధ్యమాల ద్వారా బాలయ్య బాబు కి పెద్ద ఎత్తున శుభాకాంక్షలు తెలిపార.
అయితే బాలకృష్ణ పెద్ద కూతురు నారా బ్రాహ్మణి బాలయ్య బాబు పుట్టినరోజు సందర్భంగా బాలయ్య చిన్ననాటి జ్ఞాపకాలని తన అధికారిక ట్విట్టర్ ఖాతా ద్వారా అభిమానులతో పంచుకున్నారు.
ఇందులో బాలకృష్ణ మరియు నందమూరి తారకరామారావు, పురంధరేశ్వరిలతో కలిసి చిన్నప్పుడు దిగినటువంటి ఫోటోని షేర్ చేసింది.దీంతో బాలయ్య బాబు చిన్నప్పటి ఫోటో ప్రస్తుతం సోషల్ మీడియా మాధ్యమాలలో తెగ వైరల్ అవుతోంది.
అంతేగాక నారా బ్రాహ్మణి ఈ ఫోటోని షేర్ చేసిన కొద్ది గంటలలోనే లక్షల సంఖ్యలో లైకులు, కామెంట్లు వచ్చాయి.
అయితే ఈ విషయం ఇలా ఉండగా ప్రస్తుతం నందమూరి బాలకృష్ణ టాలీవుడ్ ప్రముఖ దర్శకుడు బోయపాటి శ్రీను దర్శకత్వం వహిస్తున్న ఓ చిత్రంలో హీరోగా నటిస్తున్నాడు.
ఇప్పటికే ఈ చిత్రానికి సంబంధించిన మొదటి షెడ్యూల్ చిత్రీకరణ కూడా పూర్తయినట్లు సమాచారం.
