తెలుగు సినీ ప్రేక్షకులకు కమెడియన్ రాహుల్ రామకృష్ణ గురించి ప్రత్యేకంగా పరిచయం అక్కర్లేదు.మొదట షార్ట్ ఫిలిమ్స్ లో నటిస్తూ మంచి గుర్తింపు తెచ్చుకున్న రాహుల్ రామకృష్ణ ఆ తర్వాత టాలీవుడ్ లో స్టార్ హీరోల సరసన సహాయ నటుడిగా నటిస్తూ తనకంటూ ఒక ప్రత్యేకమైన గుర్తింపు తెచ్చుకున్నాడు.
ఇప్పటికే విజయ్ దేవరకొండ,రామ్ చరణ్, నవీన్ పొలిశెట్టి లాంటి హీరోల పక్కన నటించి తనకంటూ ఒక ప్రత్యేకమైన గుర్తింపును ఏర్పరచుకున్నాడు.అంతే కాకుండా తన కామెడీతో ప్రేక్షకులను కడుపుబ్బ నవ్విస్తూ ఉంటాడు రాహుల్ రామకృష్ణ.
విజయ్ దేవరకొండ నటించిన అర్జున్ రెడ్డి సినిమా తర్వాత అతడు మళ్ళీ కెరీర్ లో వెనక్కి తిరిగి చూసుకోకుండా అదే ఊపుతో వరుసగా సినిమాలలో అవకాశాలు అందుకుంటూ దూసుకుపోతున్నాడు.ఇది ఇలా ఉంటే తాజాగా రాహుల్ రామకృష్ణ తన సోషల్ మీడియా ఖాతా ద్వారా ఒక విషయాన్ని వెల్లడించారు.
రాహుల్ రామకృష్ణ హరిత అనే అమ్మాయిని ప్రేమించాడు.ఇదే విషయాన్ని ఈ ఏడాది సోషల్ మీడియా వేదికగా తెలుపుతూ త్వరలోనే పెళ్లి చేసుకుంటాను అని కూడా తెలిపాడు.
కానీ మ్యారేజ్ ఎప్పుడు, ఎక్కడ అన్న విషయాలను మాత్రం వెల్లడించలేదు.
ఇటీవల ఆమెతో కలిసి ఉన్న మరొక ఫోటోని సోషల్ మీడియాలో షేర్ చేశాడు.తాజాగా మరొక ఫోటోని షేర్ చేస్తూ తన భార్య హరిత ప్రెగ్నెంట్ అని తాను తండ్రి కాబోతున్నట్టు తెలిపి అభిమానులకు ఒక్కసారిగా షాక్ ఇచ్చాడు రాహుల్ రామకృష్ణ.కాగా ఈ వార్త విన్న పలువురు అభిమానులు షాక్ అవుతున్నారు.
పెళ్లి ఎప్పుడు అయ్యింది బ్రో అంటూ కామెంట్స్ చేస్తున్నారు.ఈ వార్త పలువురు నెటిజన్స్ అతనికి సోషల్ మీడియా వేదికగా శుభాకాంక్షలు తెలియజేస్తున్నారు.
