సాధారణంగా ప్రతి ఒక్కరు కూడా కష్టపడి జీవితంలో పైకి ఎదిగి సొంత ఇంటిని తమకు నచ్చినట్టుగా డిజైన్ చేయించుకుంటూ ఉంటారు.లక్షలు కోట్లు పెట్టి మరి ఇంటిని చాలా అందంగా నిర్మించుకుంటూ ఉంటారు.
అయితే లక్షల పెట్టి నిర్మించుకున్న ఇల్లు గృహప్రవేశం కూడా జరగక ముందే కూలిపోయే పరిస్థితి వస్తే వాళ్ల పరిస్థితి ఎలా ఉంటుందో మనందరికీ తెలిసిందే.తాజాగా అటువంటి పరిస్థితి యాంకర్ శివజ్యోతికి ఎదురయ్యింది.
ఇందుకు సంబంధించిన వీడియోను కూడా ఆమె తన యూట్యూబ్ ఛానల్ లో విడుదల చేసింది.పూర్తి వివరాల్లోకి వెళితే.
యాంకర్ గా మొదట కెరీర్ ను మొదలుపెట్టిన శివజ్యోతి తీన్మార్ ప్రోగ్రాం ద్వారా బాగా పాపులారిటీని సంపాదించుకుంది.అంతేకాకుండా బిగ్ బాస్ షో, ఇస్మార్ట్ జోడి లాంటి షోలతో కూడా బాగా పాపులారిటీ సంపాదించుకుంది.
అంతేకాకుండా అప్పుడప్పుడు బుల్లితెరపై ప్రసారమయ్యే పలు పండుగ ఈవెంట్ లలో పాల్గొంటూ సందడి సందడి చేస్తూ ఉంటుంది.ఇకపోతే ఈమె సోషల్ మీడియాలో యాక్టివ్ గా ఉండడంతో పాటు సొంతంగా ఒక యూట్యూబ్ ఛానల్ ని మొదలు పెట్టింది.
ఆ యూట్యూబ్ ఛానల్ ద్వారా ఎన్నో రకాల విషయాలను తన అభిమానులతో పంచుకుంటూ ఉంటుంది శివ జ్యోతి.తాజాగా తన యూట్యూబ్ ఛానల్ లో ఒక వీడియోని విడుదల చేసింది.
ఆ వీడియోలో ఆమె తన కొత్త ఇంటి యొక్క పరిస్థితి గురించి వివరించింది.ప్రస్తుతం హైదరాబాదులో తన భర్తతో కలిసి నివసిస్తున్న శివజ్యోతి సొంతంగా ఒక ఇల్లుని కూడా నిర్మించుకుంది.కారుని కూడా కొనుగోలు చేసింది.ఈ క్రమంలోని అప్పుడప్పుడు తన అత్త ఇంటికి కూడా వెళ్తూ ఉండే శివ జ్యోతి వాళ్ళ అత్త కోసం ఒక ఇల్లును కూడా నిర్మిస్తున్నారు.
అయితే ఎంతో కష్టపడి సంపాదించిన డబ్బును ఖర్చులు పెట్టి సొంత ఇంటి నిర్మిస్తే ఆ ఇంటీరియర్ మొత్తం ఫెయిల్ అయింది అంటూ ఆమె అసహనం వ్యక్తం చేసింది.అంతేకాకుండా సదరు డిజైనర్ పై ఆమె ఆగ్రహం వ్యక్తం చేసింది.
సీలింగ్ సరిగా లేదని కూలిపోవడానికి కూడా సిద్ధంగా ఉన్నట్లు ఆమె తెలిపింది.అంతేకాకుండా తలుపులకు బాత్రూంలో స్టిక్కర్లు అతికించేశారు అని ఆమె తెలిపింది.
వీడియోలో అవన్నీ చూపిస్తూ ఇవన్నీ మళ్లీ వాళ్లతోనే ముక్కు పిండి అయినా సరే రిపేర్ చేయిస్తాను అని తెలిపింది శివ జ్యోతి.
