అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న చిత్రం “పుష్ప“.గంధపు చెక్కల స్మగ్లర్ నేపథ్యంలో తెరకెక్కుతున్న ఈ సినిమాలో అల్లు అర్జున్ పుష్పరాజ్ పాత్రలో ఒక లారీ డ్రైవర్ గా కనిపించనున్నారు.ఇందులో అల్లుఅర్జున్ సరసన కథానాయికగా రష్మిక నటిస్తున్నారు.ఈ చిత్రంలో అల్లు అర్జున్ తో పోటీ పడటానికి మలయాళ నటుడు ఫహద్ ఫాజిల్ నటిస్తున్న సంగతి మనకు తెలిసిందే.
ఈ క్రమంలోనే ఫహద్ ఈ సినిమాలో భన్వర్ సింగ్ షెకావత్ అనే ఐపీఎస్ IPS పాత్రలో కనిపించనున్నారు.
తాజాగా ఈ సినిమాలో నటుడు ఫహద్ లుక్ విడుదల చేసింది.
పూర్తిగా బోడి గుండులో కనిపిస్తున్నటువంటి ఫహద్ లుక్ ప్రేక్షకులను ఆకట్టుకుంటుంది.ప్రస్తుతం ఈ లుక్ సోషల్ మీడియాలో వైరల్ గా మారడంతో ఎంతోమంది నెటిజన్లను ఆకట్టుకొని అల్లు అర్జున్ కు సరైన పోటీ అంటూ కామెంట్ చేస్తున్నారు.
ఇకపోతే ఈ సినిమా నిడివి ఎక్కువగా ఉండటం కారణంగా ఈ చిత్రాన్ని రెండు భాగాలుగా దర్శకుడు తెరకెక్కిస్తున్నారు.
మైత్రి మూవీ మేకర్స్ నిర్మాణ సారథ్యంలో సుకుమార్ తెరకెక్కిన ఈ చిత్రానికి సంబంధించిన మొదటి భాగాన్ని ముందుగా దసరా కానుకగా అక్టోబర్ 13వ తేదీన విడుదల చేయాలని భావించినప్పటికీ కొన్ని కారణాల వల్ల ఈ సినిమా విడుదల వాయిదా పడింది.ఈ క్రమంలోనే ఈ ఏడాది చివర క్రిస్మస్ కానుకగా డిసెంబర్ 25వ తేదీన ఈ చిత్రాన్ని విడుదల చేయనున్నట్లు విడుదల తేదీని చిత్రబృందం ప్రకటించింది.మొట్టమొదటి సారిగా అల్లుఅర్జున్ పాన్ ఇండియా స్థాయిలో నటిస్తున్నారు.
మరి ఈ సినిమా ప్రేక్షకులను ఎలా ఆకట్టుకుంటుందో వేచి చూడాలి.
తెలుగు వార్త విశేషాలు సులభముగా తెలుసుకోండి!!!!
