ఆంధ్ర ప్రదేశ్ రాష్ట్ర రాజకీయాలు( AP Politics ) ప్రస్తుతం ఎంత హాట్ గా ఉన్నాయో ప్రత్యేకించి చెప్పనక్కర్లేదు.ముఖ్యంగా జనసేన పార్టీ అధినేత పవన్ కళ్యాణ్( Janasena Chief Pawan Kalyan ) తన మొదటి విడత ‘వారాహి విజయ యాత్ర’ ని విజయవంతంగా ఉభయ గోదావరి జిల్లాల నుండి ప్రారంభించాడు.
ఈ యాత్ర కి అద్భుతమైన స్పందన లభించింది.తూర్పు గోదావరి జిల్లాలో యాత్ర ముగియగా, ఇప్పుడు పశ్చిమ గోదావరి జిల్లాకు చేరుకుంది.
మొన్నీమధ్యనే నర్సాపురం లో భారీ బహిరంగ సభని ఏర్పాటు చేసిన పవన్ కళ్యాణ్ ఈ నెల 30 వ తారీఖున భీమవరం( Bhimavaram ) లో నిర్వహించనున్నాడు.ఈ సభ జనసేన పార్టీ కి ఎంతో ప్రతిష్టాత్మకంగా నిలవనుంది.
ఈ సభలోనే పవన్ కళ్యాణ్ తాను పోటీ చెయ్యబోయే స్థానం గురించి అధికారిక ప్రకటన చెయ్యబోతున్నాడు.గత 2019 సార్వత్రిక ఎన్నికలలో పవన్ కళ్యాణ్ భీమవరం మరియు గాజువాక నుండి పోటీ చేసి ఓడిపోయిన సంగతి అందరికీ తెలిసిందే.
అందుతున్న విశ్వసనీయ వర్గాల సమాచారం ప్రకారం పవన్ కళ్యాణ్ మళ్ళీ భీమవరం మరియు గాజువాక( Gajuwaka Constituency ) నుండే పోటీ చేయబోతున్నాడని తెలుస్తుంది.సర్వేల లెక్క ప్రకారం పవన్ కళ్యాణ్ ఈసారి ఈ రెండు స్థానాల్లో ఒంటరిగా పోటీ చేసిన గెలిచిపోతాడని అంటున్నారు.మార్జిన్ కూడా ఎవ్వరూ ఊహించని రేంజ్ లో వస్తుందట.ముఖ్యంగా భీమవరం వాసులు అయితే ఈసారి పవన్ కళ్యాణ్ ని ఎలా అయినా అసెంబ్లీ కి పంపాలనే కసితో ఉన్నారు.
కేవలం పవన్ కళ్యాణ్ ఒక్క ప్రకటన ఇస్తే చాలు అని, ఈసారి భీమవరం లో ఎవరెన్ని కుట్రలు చేసిన పవన్ కళ్యాణ్ ని ఓడించనివ్వకుండా చేస్తామంటున్నారు భీమవరం వాసులు.పవన్ కళ్యాణ్ పోయినసారి భీమవరం లో ఓడిపోవడానికి కారణం కేవలం రెండు పల్లెటూరి ఓట్ల తేడా రావడం వల్లే.
దానికి తోడు అప్పట్లో పవన్ కళ్యాణ్ ని ఓడించడానికి వందల కోట్ల రూపాయిలు కుమ్మరించారు.అంతే కాదు ఫేక్ ఓట్లు కూడా చాలానే పోల్ అయ్యాయని, అందుకే పవన్ కళ్యాణ్ ఓడిపోవాల్సి వచ్చిందని అంటున్నారు.
గత రెండు వారాల నుండి విరామం లేకుండా ‘వారాహి విజయ యాత్ర'( Varahi Vijaya Yatra ) చేస్తున్న పవన్ కళ్యాణ్ కి ఇన్ఫెక్షన్ సోకడం వల్ల భయంకరమైన జ్వరం వచ్చింది.దీనితో ఆయన భీమవరం లోనే విశ్రాంతి తీసుకుంటున్నాడు.ఈ నెల 30 వ తారీఖున భీమవరం భారీ ఎత్తున సభని నిర్వహించడానికి ఏర్పాట్లు చేసుకుంటున్నాడు.అనంతరం ఆయన ప్రస్తుతం చేస్తున్న సినిమాల షూటింగ్స్ లో బిజీ కానున్నాడు.
ప్రస్తుతం పవన్ కళ్యాణ్ #OG , ఉస్తాద్ భగత్ సింగ్ మరియు ‘హరి హర వీరమల్లు’ ( Harihara Veeramallu )సినిమాలు చేస్తున్న సంగతి అందరికీ తెలిసిందే.వీటితో పాటు ఆయన చేసిన ‘బ్రో ది అవతార్’ చిత్రం షూటింగ్ కార్యక్రమాలు మొత్తం పూర్తి చేసుకొని వచ్చే నెల 28 వ తారీఖున విడుదల కాబోతుంది.
తెలుగు వార్త విశేషాలు సులభముగా తెలుసుకోండి!!!!
రాజకీయాలు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
