పవన్ కళ్యాణ్, ( Pawan Kalyan ) మెగా మేనల్లుడు సాయి ధరమ్ తేజ్( Sai Dharam Tej ) కలిసి నటిస్తున్న మోస్ట్ అవైటెడ్ మూవీ ”బ్రో”.( Bro Movie ) మెగా హీరోలు ఇద్దరు కలిసి నటిస్తున్న ఈ సినిమాపై మెగా ఫాన్స్ భారీ అంచనాలు పెట్టుకున్నారు.
ఈ సినిమాను వినోదయ సీతం అనే తమిళ్ బ్లాక్ బస్టర్ సినిమాకు రీమేక్ గా తెరకెక్కిస్తున్నారు.ఇప్పటికే వచ్చిన పోస్టర్స్ బాగా ఆకట్టు కున్నాయి.
అందుకే ఫ్యాన్స్ ఎప్పుడెప్పుడు ఈ సినిమా రిలీజ్ అవుతుందా అని ఎదురు చూస్తున్నారు.మొత్తానికి ఆ సమయం దగ్గర పడుతుంది.
ఈ క్రమం లోనే ఈ సినిమా నుండి వరుసగా ప్రమోషన్స్ చేయడానికి మేకర్స్ సిద్ధం అవుతున్నారు.ఈ నేపథ్యంలోనే ఈ సినిమా టీజర్ రిలీజ్ కోసం ఫ్యాన్స్ ఎదురు చూస్తున్నారు.
గత రెండు మూడు రోజులుగా ఈ సినిమా నుండి టీజర్ రిలీజ్ అని బజ్ వస్తుంది.మరి రూమర్స్ వస్తున్నట్టుగానే ఈ సినిమా నుండి టీజర్ రిలీజ్ పై అఫిషియల్ అప్డేట్ ఇచ్చేసారు మేకర్స్.
తాజా సమాచారం ప్రకారం ఈ టీజర్ ను రేపు అంటే జూన్ 28న థియేటర్స్ లో రిలీజ్ చేయనున్నట్టు ప్రకటించారు.ఈ మేరకు రిలీజ్ చేసిన పోస్టర్ అదిరిపోయింది.పవన్, సాయి తేజ్ మాస్ లుక్ కు ఫ్యాన్స్ ఫిదా అవుతున్నారు.
ఇక ఇదిలా ఉండగా సముద్రఖని డైరెక్ట్ చేస్తున్న బ్రో సినిమాలో పవన్ పాత్ర తక్కువే అయిన ఆయన ఉండడంతో ఈ సినిమాపై పవన్ ఫ్యాన్స్ కూడా ఆసక్తిగా ఉన్నారు.ఇక ప్రియా ప్రకాష్ వారియర్, కేతిక శర్మ కథానాయికలుగా నటిస్తున్న ఈ సినిమాను జీ స్టూడియోస్ తో కలిపి పీపుల్స్ మీడియా ఫ్యాక్టరీ నిర్మిస్తుంది.థమన్ సంగీతం అందిస్తున్న ఈ సినిమా జులై 28న గ్రాండ్ గా రిలీజ్ కాబోతుంది.
