బెంగళూరులో ఓ మహిళ నిర్దాక్షిణ్యంగా వ్యవహరించింది.ఓ వ్యక్తిని తన కారుతో ఢీకొట్టి దాదాపు మూడు కిలోమీటర్ల మేర ఈడ్చుకెళ్లింది.
తొలుత బాధితుడి కారు, ఆ మహిళ కారు ఒకదానికొకటి ఢీకొన్నాయి.ఇరువురి మధ్య వాగ్వాదం జరగడంతో ఆ మహిళ అసభ్యకరంగా మాట్లాడింది.
తర్వాత యువకుడు ప్రశ్నించగా అతడిని కారుతో ఢీకొట్టి మూడు కిలోమీటర్లు ఈడ్చుకెళ్లింది.యువకుడిని బోనెట్‌పైకి లాగినట్లు ఆరోపిస్తూ ఐపిసి సెక్షన్ 307 కింద ర్యాష్ డ్రైవింగ్ చేసినందుకు ప్రియాంక అనే మహిళపై ఎఫ్‌ఐఆర్ నమోదైంది.
ఈ కేసులో ఆమెతో గొడవ పడిన దర్శన్, యశ్వంత్‌, సుజన్‌, వినయ్‌ అనే మరో నలుగురిపై 354 సెక్షన్ కింద ఆకతాయిల దాడి, మహిళల గౌరవానికి భంగం కలిగించినందుకు కేసు నమోదు చేశారు.జ్ఞానభారతి పోలీస్ స్టేషన్ పరిధిలోని ఉల్లాల ప్రధాన రహదారి సమీపంలో ఈ ప్రమాదం జరిగింది.
ఈ మేరకు పశ్చిమ డీసీపీ తెలిపారు.
జ్ఞానభారతి పోలీస్ స్టేషన్ పరిధిలో టాటా నెక్సాన్, మారుతీ స్విఫ్ట్ కారు ఢీకొన్నాయి.
నెక్సాన్ కారును ప్రియాంక అనే మహిళ నడుపుతోంది.కాగా, దర్శన్ అనే వ్యక్తి స్విఫ్ట్ కారును నడుపుతున్నాడు.
ప్రియాంక, దర్శన్ వాహనాలు ఢీకొనడంతో వాగ్వాదానికి దిగారు.ఈ సమయంలో ప్రియాంక దర్శన్ పట్ల అసభ్యకర సంజ్ఞ చేసిందనే ఆరోపణలు ఉన్నాయి.
దీనిపై అభ్యంతరం వ్యక్తం చేసిన దర్శన్ మహిళ కారును ఆపి ఆమెతో మాట్లాడేందుకు వెళ్లాడు.ఆగ్రహించిన ఓ మహిళ అతడిపై నుంచి కారును నడిపేందుకు ప్రయత్నించింది.తనను కాపాడుకుంటూ దర్శన్ తన కారు బానెట్‌పైకి పడ్డాడు.ఈ క్రమంలో మహిళ కారును ముందుకు తోసి దర్శన్‌ను బోనెట్‌పై మూడు కిలోమీటర్ల మేర ఈడ్చుకెళ్లింది.పోలీసులు ఘటనా స్థలానికి చేరుకుని యువతి, యువకులను పోలీస్‌స్టేషన్‌కు రమ్మని చెప్పారు.వారిపై కేసులు నమోదు చేశారు.
దీనికి సంబంధించిన వీడియో వైరల్ అవుతోంది.
